YEGIL MBAAX NE YEESU ne Lik a bindtuuna 9:49 - NQAARIIT NE ROOG

⁴⁹ Cinj kaaga, Saŋ a doona yee: «O Caajangin oxe, i nga’a o koor oxaa na raxaa cini ke no gon of, too i mbug’aan o mbañit o ten, yaam yoonee fa in.»

YEGIL MBAAX NE YEESU ne Lik a bindtuuna 9:49 Referans Kwoze

A pi ake 5:28

A laya a den ee: «I mbañta a nuun boo nqij ee ba nu mbaare’tat gon leene. Nu nga’aan! Nu nqaɓa a Yeerusaleem na waare fee nuun, soo mbug o mbudin took in fo’oy le no koor oxeene!»

YEGIL MBAAX NE YEESU ne Lik a bindtuuna 5:5

Simoŋ a layin ee: «O Caajangin oxe, no mbaal i mbe’u, too i ndamee tus. Kaa koy, feek layaano, xam deɓ mbaal ne.»

1 Tesalonik 2:16

Kaa ndikaand a in, ndax i mbaagkee o mbaare we ndefeerna Yaawuur boo da njeg a muc ale. Keene koy, mayƭandu eedir ke saqna pakaad ke da mosna o mbi. Ten taxu a qaw ale Roog a dalat took den boo faw.

Mace 3:14

Saŋ koy, jaɓ’ee too a laya yee: «Mi soxla’u o batiise’aam, soo o garaa me mi!»

YEGIL MBAAX NE YEESU ne Lik a bindtuuna 9:33

Yaa wiin ɗik waaga a inooraa maa Yeesu rek, Piyeer a laya a Yeesu yee: «O Caajangin oxe, a tef ale in mene a fela lool. Fat i sip mene ƭiif tadik: Leng of, leng Moyiis fo leng Eliya.» Piyeer koy, and’ee ke ta helna o lay.