YEGIL MBAAX NE YEESU ne Lik a bindtuuna 9:44 - NQAARIIT NE ROOG

⁴⁴ «Fat xa ƭelem axene a ndok no nof nuun a paax: O Ƥeenqe no kiin oxe a wara o ɓoxotel a ndeer xa ƥay axe no wiin we.»

YEGIL MBAAX NE YEESU ne Lik a bindtuuna 9:44 Referans Kwoze

A pi ake 2:23

O kiin oxeene, kaa nu ƥoxotel o ten no ke Roog a heboox’ina. Keene koy, Roog kaa yuuɓ’un yaaga. Nu ndengaan na teex, ndax nu mbarnoorin na xa ƥay axe no we ndefeerna Yaawuur.

YEGIL MBAAX NE YEESU ne Lik a bindtuuna 9:22

Yeesu a doona taaga yee: «O Ƥeenqe no kiin oxe a wara o ñagadilel. Xan maak waa fo saasadax maak waa fo jaajangin waa no kebil kaa Moyiis a mbañin. Xan a warel, ndaa no ñaal ndadkandeer naa xan a xontoox.»

Hebre 2:1

Ten taxu i ngela o ndamloox a paax no tigil ke i nanna, ndax i saƭtirkee fa den, soo mo.

YEGIL MBAAX NE YEESU ne Lik a bindtuuna 2:19

ndaa Mari a geeka kaaga fop no xeeñ um, a xalaatan.

YEGIL MBAAX NE YEESU ne Saŋ a bindtuuna 19:11

Yeesu a doonaan ee: «Jegkoogiro sañ-sañ fa leng na mi, Roog a coox’angirang o ten. Ten taxu, oxe ɓoxotaxama a ndeer xa ƥay of a fi’a bakaad faa moƴna o magin fee wo.»

YEGIL MBAAX NE YEESU ne Saŋ a bindtuuna 16:4

Layaam a nuun keene, ndax boo ta jegna nu mbetandoox ee yegin’aanum a nuun.» «Layinum a nuun no mberaand naa, yaam ne reeƭuuma fa nuun.

YEGIL MBAAX NE YEESU ne Lik a bindtuuna 24:44

Cinj kaaga, a laya a den ee: «Kene refu ke layooguuma a nuun, ye maaduuma o refaa fa nuun, ndax ke bind’eena na mi fop kam a safe ke Moyiis fo na safe ke no duleer we fo na Kim a tedu ke a fadnoox.»

YEGIL MBAAX NE YEESU ne Lik a bindtuuna 18:31

Yeesu a xoya xarɓaxay fo ɗik waa, too a lay a den ee: «In we ndetaa Yeerusaleem, too ke duleer we a mbind’ina no Ƥeenqe no kiin oxe fop xan a fadnoox.

YEGIL MBAAX NE YEESU ne Lik a bindtuuna 2:51

Maaga, Yeesu a yoona fa den boo Nasaret, too a nanan’a a den. Ya um a geek’a kaaga fop no xeeñ um.

YEGIL MBAAX NE YEESU ne Lik a bindtuuna 1:66

We nan’uuna fop kaa ngeek’un kam a qeeñ den, too a layaa yee: «Xar o ndeɓandoong onqene a teki’kaa?» Yaam o Yaal oxe kaa saytoortin o ɓay um.

Mark 9:31

yaam kaa jangnoogu daalbe we ten, too a layaa a den ee: «O Ƥeenqe no kiin oxe xan a ɓoxotel a ndeer xa ƥay axe no wiin we. Xan a mbarin, ndaa ñaal tadik a cinj fa nqon um xan a xontoox.»

Mark 8:31

Maaga, Yeesu a fertu o jangnaa daalbe we ten ee: «O Ƥeenqe no kiin oxe a wara o ñagadilel. Xan maak we fo saasadax maak we fo jaajangin we no kebil ke Moyiis a mbañin. Xan a warel, ndaa cinj ñaal tadik xan a xontoox.»

Mace 26:2

«Nu anda yee Xew fee na colandax ale ñaal ƭik soom yoqu ta fadiid, too teen o Ƥeenqe no kiin oxe a ɓoxotitkeel soo a rengel na kurwaa.»

Mace 16:21

Maaga, Yeesu a fertu o jangnaa daalbe we ten ee a wara o ret Yeerusaleem ndax maak waa fo saasadax maak waa fo jaajangin waa no kebil kaa Moyiis a ñagadilin. Xan a mbarin, ndaa no ñaal ndadkandeer naa, xan a xontoox.

2 Sami’el 24:14

Dawid a doonaan ee: «Mi koy de jaaxɗaam lool, ndaa koy, o yen na xa ƥay no Yaal oxe moƴanaxam o yen no axe no wiin we, yaam o Yaal oxe a naaga o yirmaa.»

YEGIL MBAAX NE YEESU ne Saŋ a bindtuuna 16:31

Yeesu a doona a den ee: «Ndax nu ngima ndiiki?