YEGIL MBAAX NE YEESU ne Lik a bindtuuna 9:43 - NQAARIIT NE ROOG

⁴³ Fop kaa njaaxiɗ’u yaam o magnel ole Roog. Maaga, fop a njaaxiɗ’a no ke Yeesu a fi’oogna, ndaa Yeesu a laya daalbe we ten ee:

YEGIL MBAAX NE YEESU ne Lik a bindtuuna 9:43 Referans Kwoze

Mace 17:22

Yaa daalbe we a mbokatoorna Galile, Yeesu a laya a den ee: «O Ƥeenqe no kiin oxe a wara o ɓoxotel a ndeer xa ƥay axe no wiin we.

2 Piyeer 1:16

Refee sax ee kaa i saaƭoox na nax ake nqalaat’eena boo andnooraa a nuun a kar a mayu katil ale no Yaal in Yeesu Kiristaa. Kaa i mbi’in, yaam ne i nga’oodna o ndam um fo a kid in,

YEGIL MBAAX NE YEESU ne Lik a bindtuuna 8:25

Yeesu a laya daalbe we ten ee: «Taa o ngim nuun?» Kaa koy, kaa ndiid’u, a njaaxiɗ lool, too a layaa yee: «An oo kiin oxene na ŋalaa nqeñ ne fo foofi le sax boo da nananan?»

YEGIL MBAAX NE YEESU ne Lik a bindtuuna 5:26

Wiin waa fop kaa njaaxiɗ’u, a simataa a Roog, too a ndiid. Kaa layoogu yee: «I nga’a xaye kaa a kid in a moseerna o ndoonoox!»

YEGIL MBAAX NE YEESU ne Lik a bindtuuna 4:36

We ndeeƭna maaga fop a njaaxiɗ’a, too kaa layroogu a ndeer den ee: «Kene fa lay xar oo? Kaa heblaa cini ke fa sañ-sañ fa katil, da sutoox.»

Sakari 8:6

Keene a waagooxangee na kid no we yoqna na xeet fee ndiiki sax oo, xan a waagoox na mi. Mi o Yaal oxe Hupna fop layun.

YEGIL MBAAX NE YEESU ne Lik a bindtuuna 5:9

Simoŋ kaa jaaxiɗ’u, ten fo we ndeeƭna fo ten, yaam liƥ mayu ke da ndam’ina.

Mark 6:51

Cinj kaaga, a roka fa den no suk naa, too nqeñ naa a riima. Daalbe waa a njaaxiɗ’a lool,

A kim a tedu ke 139:14

O Yaal oxe, mexe gidmang, yaam ne saktoona cer es a wega xoox. Ke o fi’aa kaa jom’andit, andaanum a qool qac.

YEGIL MBAAX NE YEESU ne Lik a bindtuuna 9:42

Yaa ta matiidaa, jini faa a yo’naan, too a naagaan dal a maafin. Kaa koy, Yeesu a ŋala jini fee, a wodand o ndeɓandoong onqe, too a nomtaan a faap um.

YEGIL MBAAX NE YEESU ne Lik a bindtuuna 18:43

Na waxtu faaga sax sax, a waagata a ka, too a reefana a Yeesu, a simataa a Roog. Fop waa nga’ina kaaga a ƥoxota a Roog o ndam.