YEGIL MBAAX NE YEESU ne Lik a bindtuuna 9:42 - NQAARIIT NE ROOG

⁴² Yaa ta matiidaa, jini faa a yo’naan, too a naagaan dal a maafin. Kaa koy, Yeesu a ŋala jini fee, a wodand o ndeɓandoong onqe, too a nomtaan a faap um.

YEGIL MBAAX NE YEESU ne Lik a bindtuuna 9:42 Referans Kwoze

YEGIL MBAAX NE YEESU ne Lik a bindtuuna 7:15

Ndak fo ndak, o qon oxe a inooxa a moof, soo a dalfoox o layaa. Yeesu a ɓoxotaan a ya um.

Mbeeñil 12:12

Ten taxu, wo asamaan fo nuun we ngenna teen, mbelakinooxyo! Kaa koy, ndaw naqad took lanq ke fo o maag ole, yaam o ƈiƴ oxe a fudooxiida me nuun. Kaa fuux boo a buɓaa, yaam a anda yee jamaane um miñkatee.»

YEGIL MBAAX NE YEESU ne Lik a bindtuuna 9:39

Jini na yo’nan, too ndak fo ndak a naaga o wuuqaa. Kaa yo’nan boo yaa ta naagkaa dal a yen, a puur a sutooraa no don ole, too naagiran o ñofaa waas, a cinj yaa ta maafuuna.

Mark 9:20

A ɓisiide o ten, too ndak fo ndak yaa jini faa a ga’na a Yeesu, a yo’na o njaaƈ onqe ta naag dal a yen a lanq, a firkilooxaa, soo a puur a sutooraa no don um.

2 Maad we 4:36

Eliise a xoya a Gehasi, a layin ee: «Xoyanaam o tew o Suusuuneem oxe.» Gehasi a xoyaan, ta gar me Eliise. Eliise a layaan ee: «Jangi o ƥeef!»

A pi ake 9:41

Piyeer a cooxaan o ɓay, soo a geennin. Cinj kaaga, a xoya gimu we fo ñaaw we itam, soo a lal a den o tew oxe na ñoowatinaa.

1 Maad we 17:23

Eliya a janga o goor ole, a fudoortiid fo ten na ndok-took alaa, a ɓoxotin a ya um too a lay ee: «Ga’i, o ƥeef oxe ñoowaa.»

YEGIL MBAAX NE YEESU ne Lik a bindtuuna 9:41

Yeesu a doonaan ee: «Xeet fa ƥoowu, too a ngimaƭar! Kaam refkaa fa nuun boo a mban? Kaam ee kaam gadooxkaa a nuun boo a mban? Ɓisiidaam meeke o ƥeenqe!»

YEGIL MBAAX NE YEESU ne Lik a bindtuuna 9:43

Fop kaa njaaxiɗ’u yaam o magnel ole Roog. Maaga, fop a njaaxiɗ’a no ke Yeesu a fi’oogna, ndaa Yeesu a laya daalbe we ten ee:

YEGIL MBAAX NE YEESU ne Saŋ a bindtuuna 6:19

Yaa da lafna boo ngap kilomeet ƥetik mbaat ɓetaa fo leng, a ƈooka a Yeesu ta ñaaƴaa took foofi laa no maag ole, a garaa farna fo suk ne. A ndiid’a lool.