YEGIL MBAAX NE YEESU ne Lik a bindtuuna 9:34 - NQAARIIT NE ROOG

³⁴ Yaa ta maadna o layaa, eel a feeña, a muur a den, too daalbe we a ndiida diid maak, yaa da ndokna no eel laa.

YEGIL MBAAX NE YEESU ne Lik a bindtuuna 9:34 Referans Kwoze

Mbeeñil 1:17

Ye ga’anuuma, yenaam na caf um nen kaam xon. A doona o ɓay o ñamaak um took es, too a lay ee: «Ba o diid! Mi refu o eetaand oxe fo o palakaand oxe

Dañel 10:8

Mi soom yoq’u maaga, ɗeetaa mbeeñil maak neene, ñakat doole, foor a kid, nandakaanat too jegatiim o njembe.

Esayi 19:1

Ke na dalkaa a Misira: O Yaal oxe xey, a garaa Misira kam eel ñofu. Pangool ke Misira owe sendaa mbaambir um, soo njambaar ne no Miimisira we a ɓutaa kam den.

Haahate we 13:22

Manowa a laya o teem ee: «A woora yee xan i nqon, yaam i nga’a a Roog.»

Haahate we 6:22

Gedeyon a andata yee malaaka fee no Yaal oxe a reeƭu soo ta lay ee: «O Yaal oxe na refkaa boo faw, sabab took es, yaam ga’aam malaaka no Yaal oxe jaxrañ.»

YEGIL MBAAX NE YEESU ne Lik a bindtuuna 9:33

Yaa wiin ɗik waaga a inooraa maa Yeesu rek, Piyeer a laya a Yeesu yee: «O Caajangin oxe, a tef ale in mene a fela lool. Fat i sip mene ƭiif tadik: Leng of, leng Moyiis fo leng Eliya.» Piyeer koy, and’ee ke ta helna o lay.

YEGIL MBAAX NE YEESU ne Lik a bindtuuna 9:35

A jega o ñuxur olaa nannoorna kam eel laa, too a lay ee: «Oxene refu o Ƥees onqe jiluuma. Nan-gilooxeenoo!»