YEGIL MBAAX NE YEESU ne Lik a bindtuuna 9:32 - NQAARIIT NE ROOG

³² Piyeer fo yoon um kaa ƭaanoogu, ndaa a naanga beret a yokoox, too a nga’a o ndam onqe Yeesu fo wiin ɗik waa ndeeƭna fo ten.

YEGIL MBAAX NE YEESU ne Lik a bindtuuna 9:32 Referans Kwoze

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Dañel 8:18

Ye ta maadna layaa fa mi, ñakaam sagu es, mukit es a ref a lanq. Kaa koy, a duqaxam, a geennatinaam.

Dañel 10:9

Nanaam o ñuxur um, too ye nananuuma, ñak’ataam sagu es, mukit es a ref a lanq.

2 Piyeer 1:16

Refee sax ee kaa i saaƭoox na nax ake nqalaat’eena boo andnooraa a nuun a kar a mayu katil ale no Yaal in Yeesu Kiristaa. Kaa i mbi’in, yaam ne i nga’oodna o ndam um fo a kid in,

YEGIL MBAAX NE YEESU ne Saŋ a bindtuuna 17:24

Faap, kaam bug muu refuuma we lasaxamoona a moof fa mi, ndax da nga o ndam es, refna onqe ci’axamoona, yaam kaa o fexaam yaaga adna ferooxafulee.

Esayi 60:19

Njeeƈ ne refkatee a qoolaand of no ñaal ne, too a qoor ale refkatiran no yeng ole, yaam mi o Yaal oxe Roog of, xam xoolandang kili soo fudin took of meleƈ es fop.

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

Mark 14:40

A nomtooxiidahina, too a soƥa a den da ƭaanaa. A kid den kaa nqaaɗ’u. And’ee kaa da ndoonuuna.