YEGIL MBAAX NE YEESU ne Lik a bindtuuna 9:29 - NQAARIIT NE ROOG

²⁹ Yaa ta maadna o xeɗaa, a tagid um a suptooxa, too toki ke ten a ndan-ga boo taw.

YEGIL MBAAX NE YEESU ne Lik a bindtuuna 9:29 Referans Kwoze

Mace 17:2

Yeesu a suptooxa mbaambir den. A tagid um a meleƈa boo nen njeeƈ ne, soo toki um a ndanig boo taw.

Mbeeñil 20:11

Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.

Esayi 53:2

A yoɗooxa mbaambir no Yaal oxe nen dugatin, nen saqit laa na sutooraa no ƭak. Saq’ee njer mbaat o mosel olaa waagna o yul a kid in. Dara fel’ee a in no mem um.

Esayi 33:17

A kid of xan a naang jak fo o maad oxe kam o mosel um fop. Xan a nga saax yaaju le ne ta fodeena fop.

A pi ake 6:15

Waa ndeeƭna no moofand olaa no Mal maak naa fop kaa naang’u a Eceen jak a kid, too a nga’a mukit um a nand nen mukit malaaka.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Mark 16:12

Cinj kaaga, Yeesu a feeñooxa na jemo fa lakas daalbe ɗik waa ndetoogna na koƥ alaa.

YEGIL MBAAX NE YEESU ne Lik a bindtuuna 3:21

Ye xeet faa fop a mbatiise’eena, Saŋ a batiise’a a Yeesu itam. Yaa ta xeɗaa a Roog, asamaan fee a wetooxa,

YEGIL MBAAX NE YEESU ne Lik a bindtuuna 5:16

Kaa koy, Yeesu a inooxooga, a ret o mbiñ o mbootu, ndax ta xeɗ.

YEGIL MBAAX NE YEESU ne Lik a bindtuuna 6:12

Na pe akaaga, Yeesu a reta took o joong olaa ndax ta xeɗ. A fe’a no xeɗaa a Roog boo neen a feedu.

YEGIL MBAAX NE YEESU ne Lik a bindtuuna 9:18

Bes, a jopir Yeesu a xeɗaa ten doŋ, too daalbe we ten a ndef maaga, a laamta a den ee: «An wiin we a layaa yee o ten refum?»

YEGIL MBAAX NE YEESU ne Lik a bindtuuna 9:30

Maaga, wiin ɗik a layooga fo ten, da ndef Moyiis fa Eliya.