YEGIL MBAAX NE YEESU ne Lik a bindtuuna 9:22 - NQAARIIT NE ROOG

²² Yeesu a doona taaga yee: «O Ƥeenqe no kiin oxe a wara o ñagadilel. Xan maak waa fo saasadax maak waa fo jaajangin waa no kebil kaa Moyiis a mbañin. Xan a warel, ndaa no ñaal ndadkandeer naa xan a xontoox.»

YEGIL MBAAX NE YEESU ne Lik a bindtuuna 9:22 Referans Kwoze

YEGIL MBAAX NE YEESU ne Lik a bindtuuna 24:7

Kaa lay’u yee: ‹O Ƥeenqe no kiin oxe a ware o ɓoxot na xa ƥay axe no baabakaad we, a rengel na kurwaa, soo a xontoox no ñaal ndadkandeer naa.› »

YEGIL MBAAX NE YEESU ne Lik a bindtuuna 9:44

«Fat xa ƭelem axene a ndok no nof nuun a paax: O Ƥeenqe no kiin oxe a wara o ɓoxotel a ndeer xa ƥay axe no wiin we.»

1 Piyeer 1:11

Kaa mbaaƭoogu maa da nga’itna a mban fo nam ke Yiif le Kiristaa reeƭna na den a lalitna. Yiif leene a yegnita padafuleer no coono ke nar’ina o ndal a Kiristaa fo o ndam onqe na doonooxkaa teen.

Mark 9:31

yaam kaa jangnoogu daalbe we ten, too a layaa a den ee: «O Ƥeenqe no kiin oxe xan a ɓoxotel a ndeer xa ƥay axe no wiin we. Xan a mbarin, ndaa ñaal tadik a cinj fa nqon um xan a xontoox.»

Mark 8:31

Maaga, Yeesu a fertu o jangnaa daalbe we ten ee: «O Ƥeenqe no kiin oxe a wara o ñagadilel. Xan maak we fo saasadax maak we fo jaajangin we no kebil ke Moyiis a mbañin. Xan a warel, ndaa cinj ñaal tadik xan a xontoox.»

Mace 17:12

Kaa koy mexe layaa nuun ee Eliya a gara boo a ƴut. Wiin we anddiran, soo a mbi’in naa felna a den. Neene a ñagadilitkaa o Ƥeenqe no kiin oxe itam.»

1 Korint 15:4

a gasel, soo no ñaal ndadkandeer naa ta xontoox, ne a Pind a Tedu ke a laytuuna,

YEGIL MBAAX NE YEESU ne Lik a bindtuuna 24:26

Ndax Kiristaa fee war’ee o coono’it neene kañ, soo a rokkaa kam o ndam um?»

Mace 17:22

Yaa daalbe we a mbokatoorna Galile, Yeesu a laya a den ee: «O Ƥeenqe no kiin oxe a wara o ɓoxotel a ndeer xa ƥay axe no wiin we.

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Dañel 9:26

A cinj xa kiid ɓetaa ƭaq axeene boo a caf qarɓeen ɓetuu fa leng fo a caf a ƭak, Kelfa fee ta soƥkaa ta ɗuumel xan a saŋkel, too jegkee oxaa rondanduuna. Cinj kaaga, xan kelfa a gar fo a yaj no xiixire um, a yaq teeru fee fo o mbiñ o tedu nqe, ndaa xan muukandoong um a fadtiid nen o jaɓ. Yaq fee xan a ret boo maa xire fee a fagitkaa. Roog o mat heblitun.

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

Mace 27:63

soo a layin ee: «Yaal saax le! I mbetandooxa yee o maamaaɓ oxeene kaa lay’u ye ta ñoowaa yee: ‹Cinj ñaal tadik, xam xontoox.›

YEGIL MBAAX NE YEESU ne Lik a bindtuuna 17:25

Kaa koy, oxeene kaa war o eet o coono mayu, too a sibel na xeet feeke.

YEGIL MBAAX NE YEESU ne Lik a bindtuuna 24:44

Cinj kaaga, a laya a den ee: «Kene refu ke layooguuma a nuun, ye maaduuma o refaa fa nuun, ndax ke bind’eena na mi fop kam a safe ke Moyiis fo na safe ke no duleer we fo na Kim a tedu ke a fadnoox.»