YEGIL MBAAX NE YEESU ne Lik a bindtuuna 9:16 - NQAARIIT NE ROOG

¹⁶ Yeesu a janga puuru ƥetik kaa fo liƥ ƭik kaa, a daxaaƴoox na asamaan, a gidim a Roog. Yaa ta xeɗna boo a ƴut, a xusta puuru kaa, a cooxin daalbe waa, ndax da lasin wiin waa.

YEGIL MBAAX NE YEESU ne Lik a bindtuuna 9:16 Referans Kwoze

Mace 14:19

Yeesu a hebla wiin waa fop da moof no suuƴin le. A janga puuru ƥetik kaa fo liƥ ƭik kaa, a daxaaƴoox na asamaan, a gidim a Roog. Yaa ta xeɗna boo a ƴut, a xusta puuru kaa, a cooxin daalbe waa, ndax da lasin wiin waa.

YEGIL MBAAX NE YEESU ne Lik a bindtuuna 24:30

Yaa ta reerna fa den a ñaamaa, a janga mbuuru, too a cinj ye ta gidimna a Roog, a xustaan, a cooxin a den.

Mace 15:36

A janga puuru ɓetuu ƭik kaa fo liƥ kaa, soo a gidim a Roog. Cinj kaaga, a xusta a den, soo a cooxin daalbe we ndax da lasin wiin waa.

O leetar ole Pool a bindna GIMU WE NGENNA ROM 14:6

Oxe na jilaa bes ee yaam kaa jeg o njiriiñ, kaa simattan o Yaal oxe. Oxe waagna o ñaam kuu refna itam, kaa simattan o Yaal oxe, too a gidmaa teen a Roog. Oxe saɗeerna o ñaam kuu refna kaa simattan o Yaal oxe, too a gidman itam.

A pi ake 27:35

Yaa Pool a layna kaaga boo a ƴut, a janga mbuuru, a gidim a Roog mbaambir no fop. Cinj kaaga, a xustaan, soo a ñaam.

YEGIL MBAAX NE YEESU ne Saŋ a bindtuuna 6:23

No feet olaa, yaa suk lakas a inoortiidna Tiberiya, a ngar boo paam maa da ñaamit’ina puuru kaa ye o Yaal oxe a xeɗna boo a ƴut,

YEGIL MBAAX NE YEESU ne Saŋ a bindtuuna 6:11

Yeesu a janga puuru kaa, a gidim a Roog soo a lasin we moof’ina. A cooxa a den itam no liƥ kaa boo da ndeyƭoox.

YEGIL MBAAX NE YEESU ne Lik a bindtuuna 22:19

Cinj kaaga, Yeesu a janga mbuuru, soo a gidim a Roog. A xustaan, a cooxin a den, soo a lay ee: «Kene refu cer ke mi cooxteena yaam nuun. Mbetandooraamoo keene.»

1 Korint 11:24

a gidim a Roog, a xustin, soo a lay ee: «Kene refu cer es ke cooxteena yaam nuun. Mbetandooraamoo keene.»

1 Korint 10:30

Um naagangaa o ñaamaa fo o ngidim, xar na taxkaa um ɓanjel yaam keene um gidmitaa o Yaal oxe?

Mark 7:34

Cinj kaaga, a daxaaƴooxa na asamaan, a gatandoox, soo a lay ee: «Efata!» (Ten tektu «Wetooxi!»)

1 Sami’el 9:13

Nu mbadangaa kam teeru fee, xan nu soƥin maaga boo ta helko fo ŋaayaa no jul ole no ñaang sadaxand laa, ndax ta ñaam. O leng ñaamkee a refangee kaa gar boo a barke sadax fee, soo we nqureena a sogkaa o ñaam. Yaangyo boog, xan nu soƥin maaga ndiiki.»

YEGIL MBAAX NE YEESU ne Lik a bindtuuna 9:15

A mbi’a naaga, too a moofna a den, den fop.

YEGIL MBAAX NE YEESU ne Lik a bindtuuna 9:17

Fop a ñaama boo a ngiñ, too daalbe we a nqaadta a ƭamba xarɓaxay fo a ƭamba ƭak akaa mayna muut fo xa ƭeg puuru.