YEGIL MBAAX NE YEESU ne Lik a bindtuuna 9:11 - NQAARIIT NE ROOG

¹¹ Yaa wiin waa a nanna kaaga, a ndeefanaan. Yaa Yeesu a ga’na a den, a jaɓ’a o moof fa den. A waare’ooga a den Maat ne Roog, a wodandaa we soxla’na o mbodandel.

YEGIL MBAAX NE YEESU ne Lik a bindtuuna 9:11 Referans Kwoze

Hebre 4:16

Fat i ngooloox o matiid boog gamb no maad le Roog, me yirmande a refna. Xan i ndaawit teen a baasan, njegit teen yirmande fo o ndimle a mbanuu i soxla’uuna.

2 Timote 4:2

Waare’i fa lay fee, damoox teen, too xiisnan no daaw mbaat no ñak o daaw. Lalti a ƭat, xasan we ndeefeeruuna, we na ndeefan o umbaa fiɗel a pi den. Keene fop, fi’teen o muñ, yoonandtin a cangin.

O leetar ole Pool a bindna GIMU WE NGENNA ROM 15:3

Kiristaa mosee o waaƭ ke faaxna na xoox um. Keene ne’ooge ye a Pind a Tedu ke a layna yee: «A ben ake no we na mbenang took es a ndalu.»

O leetar ole Pool a bindna GIMU WE NGENNA ROM 10:14

Kaa koy, nam a ƈufginooritkan, too ngimee no ten? Nam a ngimitkaa no ten koy, too nanee ta layteel? Ndi nam a nanitkaa ta layteel, yaa o kiin a waare’eerna kaa jofna no ten?

A pi ake 28:31

Kaa waare’oogu kaa farna no Maat ne Roog, a jangnaa kaa farna no Yaal oxe Yeesu Kiristaa, a yoonandtin njambaar maak fo o yaadax.

YEGIL MBAAX NE YEESU ne Saŋ a bindtuuna 6:37

We Faap fee a ci’axama fop, xan a ngar me mi, too koy o mat, sutkiim muk oxaa garna me mi.

YEGIL MBAAX NE YEESU ne Saŋ a bindtuuna 4:34

Kaa koy, Yeesu a laya a den ee: «Ñaamel es refu um fi’aa ke oxe lulaxama a bugna, soo fadin calel um.

YEGIL MBAAX NE YEESU ne Lik a bindtuuna 9:2

A lula a den da mbaare’ik fa lay fee no Maat ne Roog, too a mbodand we njirna.

YEGIL MBAAX NE YEESU ne Lik a bindtuuna 8:10

Yeesu a doona a den ee: «Kaa nu ci’el o and kunpa ke no Maat ne Roog, ndaa no lakas we o mat, kaa war o fi’tel a naxax. ‹Neene, a naangangaa o ƭeetaa, nga’kee, too a naangangaa o nanaa, andkee.› »

YEGIL MBAAX NE YEESU ne Lik a bindtuuna 8:1

Cinj kaaga, Yeesu a retooga ndeer saate fa saate a waare’aa, too a yegnitaa Yegil mbaax ne no Maat ne Roog. Xarɓaxay fo ɗik waa a ndeefanaan.

YEGIL MBAAX NE YEESU ne Lik a bindtuuna 5:31

Yeesu a doona a den ee: «Refee yee we mbodna soxla’u o baawaadin, ndaa jiru we.

YEGIL MBAAX NE YEESU ne Lik a bindtuuna 1:53

A ci’a we nqeexeena da ñaam boo a ngiñ, soo a rax yaal kalal ke o ƥor.

Mace 21:43

Ten taxu, mexe layaa a nuun ee: Xan Maat ne Roog a watnel na xa ƥay nuun, soo a doxnel xeet faa na ƥoxotkaa xa tim axe ten. [

Mace 21:31

An no ɗik waaga fi’u ke faap um a bugna?» A ndoonaan ee: «O eetaand oxe.» Maaga, Yeesu a doona a den ee: «No ndigil, mexe layaa a nuun ee: We na ndabdinooxaa juuti fo we na seeqaa, xan a adoox a nuun no Maat naa Roog.

Mace 14:14

Yaa Yeesu a sutooxna suk naa, a ga’a wiin mayu. A yuɗaan, too a wodanda wiin jiru waa fop.

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

O leetar ole Pool a bindna GIMU WE NGENNA ROM 10:17

Yaaga boog, o ngim onqe, oxe inooraa no yegnit ne na naneel, soo yegnit neene a inooraa na fa lay fee Kiristaa.

Mace 12:15

Yaa Yeesu a andna ke da mbexeyaa, a riƈatooxa maaga. Wiin mayu a ndeefanaan too a wodanda jiru waa fop.

YEGIL MBAAX NE YEESU ne Lik a bindtuuna 9:10

Yaa apootar waa a nomtooxiidna, a mbetandooxa a Yeesu ke da mbi’’ina fop. A ɓisa a den no mbiñ o mbootu farna fa teeru faa ne’eena Betsayda.

YEGIL MBAAX NE YEESU ne Lik a bindtuuna 9:12

Yaa da moofna boo njeeƈ naa a yaarkaa, xarɓaxay fo ɗik waa a matiidaan, too a layin ee: «Nomti caambuur ke, da ndet kam caate ke matna mene, ndax da mbaaƭik maa da mbe’na fo kaa da ñaamna, yaam o mbiñ onqene i ndefna kaa woot.»