YEGIL MBAAX NE YEESU ne Lik a bindtuuna 9:10 - NQAARIIT NE ROOG

¹⁰ Yaa apootar waa a nomtooxiidna, a mbetandooxa a Yeesu ke da mbi’’ina fop. A ɓisa a den no mbiñ o mbootu farna fa teeru faa ne’eena Betsayda.

YEGIL MBAAX NE YEESU ne Lik a bindtuuna 9:10 Referans Kwoze

Mace 11:21

«Ndaw sabab took of, wo Korasiin, ndaw sabab took of, wo Betsayda, yaam a pi katil ake mbi’eena me nuun a mbi’’ange kam Tiir fa Sidoŋ, a mbeskooga pakaad den a cinj yaaga, too a nderoox xa saaku, a moof no ndaw, ndax da lalit ee a ndicooxa.

Hebre 13:17

Nananyo we na ƭoxaa a nuun, neewandoox mbaambir den, yaam kaa ndef waa na ngaynaakaa xa laaw nuun kili. Weene xan a njangtoox a Roog ke da njalna. Boo nu nananaa a den, xan a mbadin calel den fo o ɗaay. Keene a jegangee koy, xan a mbadnitin naqad, ta ref kasaara na nuun.

YEGIL MBAAX NE YEESU ne Lik a bindtuuna 10:17

Daalbe qarɓeen ɓetuu ɗik we [fo daalbe ɗik we] a nomtooxiida fo o ɗaay, too a lay ee: «O Yaal oxe, cini ke sax a nanana a in yaam gon of.»

YEGIL MBAAX NE YEESU ne Saŋ a bindtuuna 1:44

Filip oxe gen’a Betsayda. Andare fa Piyeer na teeru faaga a ngen’u itam.

Mark 2:7

«Ndi nam o kiin oxene a laytaa nene, a wenaa Roog? An waagu o waasanit pakaad? Roog soom waagun.»

Sakari 1:10

O koor oxe geenoox’ina a ndeer pafid mirti ke a doona teen ee: «Den ndefu we o Yaal oxe a lulna da mbid lanq ke.»