YEGIL MBAAX NE YEESU ne Lik a bindtuuna 9:1 - NQAARIIT NE ROOG

¹ Yaa Yeesu a xoyna daalbe xarɓaxay fo daalbe ɗik waa ten, a cooxa a den katil fa sañ-sañ took cini ke, a coox a den da mbodandaa a cir ake.

YEGIL MBAAX NE YEESU ne Lik a bindtuuna 9:1 Referans Kwoze

YEGIL MBAAX NE YEESU ne Saŋ a bindtuuna 14:12

No ndigil, no ndigil, mexe layaa a nuun ee: Oxuu gimna na mi, xan a waag o fi a pi ake um fi’aa. Xan a fi kupun sax, yaam mexey retaa maa Faap faa.

YEGIL MBAAX NE YEESU ne Lik a bindtuuna 10:19

Nan-gilooxyo: Ci’aam a nuun sañ-sañ faa nu ñaaƴtaa took ƥood ke fo a beex ake fa katil ke no pañ oxe fop, too dara waagkee o gaañ a nuun.

A pi ake 4:30

Letni o ɓay of, ndax jiru we a mbodandeel, xa anddiloor fo comlaand a nqew no gon Yeesu fee o tag o tedu xe wo.»

Mace 16:19

Xam cooxong xa caafu xe no Maat ne na asamaan. Kuu humoona na adna fee, xan a humel na asamaan itam. Kuu woktoona na adna, xan a woktel na asamaan.»

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

A pi ake 9:34

Piyeer a layaan ee: «Enee, Yeesu Kiristaa a wodandaang. Inooxi doran a xoox of njong of!» Ndak fo ndak, a inooxa.

A pi ake 3:16

Katil fee no gon le Yeesu saƭkinu o koor oxeeke nu nga’aa, too andin. Ne ta gimna no gon le Yeesu o mat taxu ta wod boo ceŋ mbaambir nuun, nuun fop.

Mace 4:24

Gon um a joot’a kam Siri fop, too a ɓisiidooge waa a cir fo xa ƭomel xa pagkatar a ndamna. A jeg’a waa cini a ndamna fo o mbeƭfeƭin fo wiin waa ƥoofna, too a waadna a den.

Mace 8:9

Mi o mat, kaam fi’aa ke we kelfa’axama a simaxam. Jegaam itam xiixire waa um lulaa. Kaam layaa o leng ee: ‹Reti!› ta ret, soo um lay o lakas ee: ‹Gari!› ta gar. Kaam layaa surga es itam ee: ‹Fi’i kene!› ta fi’in.»

YEGIL MBAAX NE YEESU ne Lik a bindtuuna 10:1

Cinj kaaga, o Yaal oxe a jila daalbe qarɓeen ɓetuu ɗik [fo daalbe ɗik], soo a lul a den ɗik-ɗik, da adookin no teeru ke fo fop me ta narna o ret ten fa xoox um.