YEGIL MBAAX NE YEESU ne Lik a bindtuuna 8:5 - NQAARIIT NE ROOG

⁵ «O tuuduuf sutoox’u a duufik ax um. Ye ta sulaa, a seek a leng no ax ke a sama kam a ƭat ale, wiin we a ndakan, soo tiiƭ ke na asamaan a ngar a ñaamin.

YEGIL MBAAX NE YEESU ne Lik a bindtuuna 8:5 Referans Kwoze

Hebre 2:1

Ten taxu i ngela o ndamloox a paax no tigil ke i nanna, ndax i saƭtirkee fa den, soo mo.

Mark 4:15

Wiin leng-leng kaa nand fo a ƭat ale, me fa lay fee a samna. Ye da nanuuna, ndak fo ndak Saytaane a gara, soo a watin fa lay fee duufeena kam den.

Mberaand 15:11

A tud ake a ngara, a ndal took xa tal axe no cegel ke, soo Abram a rax a den.

Mace 13:37

Maaga a doona a den ee: «Oxe duufna ax paax ke refu o Ƥeenqe no kiin oxe.

Mace 5:13

«Nuun ndefu fo jem ole na adna fee. Fo jem o mat, a jematangee, xar waagatu tax ta jem? Jiriiñatee tus a refangeerna a deɓel tafil, soo wiin we a ndakin.

A kim a tedu ke 119:118

Kaa o raxaa fop we ndeefkeerna ke dalnoona, o ƴiƴ den cegeer ƥor oo.

YEGIL MBAAX NE YEESU ne Lik a bindtuuna 8:4

Wiin we kaa inoortiidoogu no teeru mayu, a ngaraa maa Yeesu. Yaa wiin mayu waa a mbokatoorna, Yeesu a naxooxa a den ee:

YEGIL MBAAX NE YEESU ne Lik a bindtuuna 8:6

A seek a lakas a yena maa fi’na ƭeŋkeleer. A looƴ’a no ñofu, ndaa a weera, yaam lanq ke nquƥ’ee.