YEGIL MBAAX NE YEESU ne Lik a bindtuuna 8:47 - NQAARIIT NE ROOG

⁴⁷ Yaa o tew oxaa a ga’na yee waagee o ɗas, a gara a sendaa, soo a gooknoox me Yeesu. A laya mbaambir no wiin waa fop ke tax’ina ta duq a Yeesu fo ne ta wodit’ina na waxtu faaga.

YEGIL MBAAX NE YEESU ne Lik a bindtuuna 8:47 Referans Kwoze

Mark 5:33

O tew oxaa a diid’a boo a sendaa, yaam ne ta andna ke xew’ina fo ten. A gooknooxa na caf um, too a layin ndigil ne fop.

2 Korint 7:15

Tiit koy a jega na nuun o mbeq o maak, a moƴaan a jeg koy yaa ta wetandooxaa ne nu njaɓanit’uuna fo ne nu ndalnit’uuna, njeg no ten a bootax boo sendaa.

Hebre 12:28

Fat i ngidim a Roog boog, yaam i ndaawa maat naa waageerna o yen. Fat i lal a Roog o ngidim onqeene, ten refu i ndagooran naa feluuna. Fat i niwin itam, too njeg no ten caƭar.

1 Korint 2:3

O neew doole tigi fadtiid’um me nuun, sendaa yaam diid.

A kim a tedu ke 2:11

Mbaɗooxyo o Yaal oxe fo caƭar, send mbaambir um too njeg teen o ɗaay.

A pi ake 16:29

Maaga, o yeeyetax oxaa na kaso faa a simta o heƥandanel, a siip a rok kam a ndok alaa, soo a yen na caf ake Pool fa Silaas, a diid boo a sendaa.

1 Sami’el 16:4

Sami’el a fi’a ke o Yaal oxe a lay’uuna. Ye ta rokaa Betleheem, maak waa na teeru faa a nqetooxiidaan, a sendaa soo a laamtin ee: «Mbaar a kar ale wo mene jam soom oo?»

Habakuk 3:16

Nanaam yo’in leene, soo kam es a jaxasoox, muuceek es a ndaprapnaa, cer es a ŋeesoox, um sendaa ne fodeema fop. Yaqanee koy, um cungaa ñaal ne na naqad fee, ñaal neene na betkaa xeet fee na toroxandaa a in.

Esayi 66:2

Keene fop o ɓay es fi’un, too neene a sakoortu. Kaa koy, ke haalaxama refu o toroxu xe gooyna, a nan-gilooxaa fa lay es fo diid soo a sendaa.

A kim a tedu ke 38:9

Jegatiim o ndoole, ɗeg cut. Kaam iinaa yaam o jaq ole no xeeñ es.

Filip 2:12

Fog es we fexuuma, naa nu moofu kaa nu nananaam. Ten taxu, kaa nu mbar o ƭofit o ñoow nuun no ngim a duuf, nu ngebooxin fo a qalaat fo o saɗar a Roog. Keene koy, baa ref soom yaa nu mbaagaxama o ndoon a ngid. Kaa nu mbar o moƴ o njofnoox teen ndiiki fee goƭuuma a nuun,

Mace 28:8

A ndalfooxa o ndiƈatoox a mboy alaa, a ndiid, too a ƭaay itam. A ƈufa, a yegnikin daalbe um.

Hoose 13:1

A mbanuu a carind ale Efrayim a lay’ina, a carind a lakas ake fop a ndiid. O ten doon’u o ɓay kam Isra’el, ndaa a qica hate took um boo a yen, yaam a faɗooxaa a Baal.

Hoose 5:3

Mi, andaam a Efrayim, Isra’el waagiraam o laqoox sen, yaam me ta refna, wo Efrayim, jimbooxaa no njaga, wo Isra’el, xoolaƭaraa.

A kim a tedu ke 66:16

Nuun fop we saɗarna a Roog, ngaryo nan-giloox, too xam wetandoox a nuun ke ta fi’anaxama.

YEGIL MBAAX NE YEESU ne Lik a bindtuuna 8:46

Kaa koy, Yeesu a doona yee: «O kiin a duqaxam kañ, yaam yegaam ee doole a sutoora na mi.»

YEGIL MBAAX NE YEESU ne Lik a bindtuuna 8:48

Yeesu a layaan ee: «O ƥees, o ngim of a muclaang. Reti na jam!»