YEGIL MBAAX NE YEESU ne Lik a bindtuuna 8:44 - NQAARIIT NE ROOG

⁴⁴ A garta a Yeesu a cinj, a matiidin, a duq o noflax ole no ndoki ne ten, too ndak fo ndak o tew oxe a woda.

YEGIL MBAAX NE YEESU ne Lik a bindtuuna 8:44 Referans Kwoze

A cangatin ale 22:12

Fat nu mbi’aa a tup na xa noflax xa nahaq axe no toki ke nuun.»

A pi ake 19:12

Neene koy, jiru we a ƥisiidooge xa seegit fo a naf akaa nduq’ina cer ke Pool. Maaga, a mbodooga na cir ake da ndefit’ina, too cini ke a sutooxooga na den.

YEGIL MBAAX NE YEESU ne Saŋ a bindtuuna 5:13

Kaa koy, oxe wodand’eena and’ee oxe ta refna, yaam Yeesu kaa naag’u mes a ndeer no wiin mayu waa ndeeƭna maaga.

YEGIL MBAAX NE YEESU ne Lik a bindtuuna 13:13

Yeesu a doona xa ƥay um took um itam, too ndak fo ndak a leta boo a simataa a Roog.

YEGIL MBAAX NE YEESU ne Lik a bindtuuna 7:38

Ye ta fadiidna, a fodta a Yeesu a cinj na caf um. Kaa looloogu boo a xuƥandataa a caf ake Yeesu fo xa kooniit um. Cinj kaaga, a fortita a den wiil um, a foon a den, soo a ɗuumanin teen ƭuumooxel.

Mark 6:56

Muu Yeesu a rok’ina rok, ta ref saax mbaat teeru mbaat na koƥ ale, jiru we kaa ndoonoogel na baayo fee, too a nqeɗoogaan, ndax da nduq o noflax ndoki um soom. We nduqooguuna fop a mbodooga.

Mace 20:34

A yuɗ’a a Yeesu, ta duq a kid den, too ndak fo ndak a mbaagata a ka, soo a ndeefanin.

Mace 8:3

Yeesu a letna o ɓay um, a duqin, too a lay ee: «A felaxam, xooli!» Ndak fo ndak, a tik-a-maak alaa ten a xoola.

A sutax ale 15:26

Keeke mat a layu: «Nu nan-gilooxangaam, mi o Yaal oxe Roog nuun, mbi cofu mbaambir es, ngay kebil es, nanan bargal es, xawitkiim a nuun a cir ake xawtuuma Miimisira we, yaam mi refu o baawaadin nuun, mi o Yaal oxe.»

A pi ake 5:15

We njirna kaa ƥisiidoogel kam ped ke, a mbondneel took cong fo na xa sar, ndax Piyeer a jooniidangaa, mbelyook um a waag o rok wiin leng-leng na den boog.

Mace 9:20

O tew oxaa jir’ina, yaam ne ta ga’oogna tap, too ɗegroogee boo xa kiid xarɓaxay fo xa kiid xa ƭaq, a garta a Yeesu a cinj, a matiidin, soo a duq o noflax ole no ndoki ne ten,

YEGIL MBAAX NE YEESU ne Lik a bindtuuna 8:43

A jeg’a maaga koy o tew oxaa jir’ina. Kaa ga’oogu tap, too ɗegroogee boo xa kiid xarɓaxay fo xa kiid xa ƭaq. A su’nit’a ke ta jeg’ina fop no waawaadin we. O leng koy waag’iran o wodand.

YEGIL MBAAX NE YEESU ne Lik a bindtuuna 8:45

Maaga, Yeesu a laamta yee: «An duqaxam?» Fop a nqaña, too Piyeer a laya yee: «O Caajangin oxe, wiin we o mat ndeerong, a ƥiiklang.»