YEGIL MBAAX NE YEESU ne Lik a bindtuuna 8:43 - NQAARIIT NE ROOG

⁴³ A jeg’a maaga koy o tew oxaa jir’ina. Kaa ga’oogu tap, too ɗegroogee boo xa kiid xarɓaxay fo xa kiid xa ƭaq. A su’nit’a ke ta jeg’ina fop no waawaadin we. O leng koy waag’iran o wodand.

YEGIL MBAAX NE YEESU ne Lik a bindtuuna 8:43 Referans Kwoze

YEGIL MBAAX NE YEESU ne Lik a bindtuuna 13:16

O tew oxeeke andoona yee o ndaan Abraham oo, too Saytaane a dam’un boo xa kiid xarɓaxay fo xa kiid ɓetaa tadaq, ndax waagaand o wodand na bes fee na ñootnax ale?»

YEGIL MBAAX NE YEESU ne Saŋ a bindtuuna 9:1

Yeesu a joona, a ga o koor oxaa rimteena mbuulaanaq.

YEGIL MBAAX NE YEESU ne Lik a bindtuuna 13:11

A jeg’a koy maaga o tew o ciru oxaa jini a dam’ina boo xa kiid xarɓaxay fo xa kiid ɓetaa tadaq. Kaa kuuƴ’atu, o let a xoxin sup.

YEGIL MBAAX NE YEESU ne Lik a bindtuuna 8:27

a jopir Yeesu a fudooxiidaa, o koor oxaa cini a ndamna, too a gen na teeru faaga a xetiida fo ten. A miñ’a fo ñak o rokoox ndoki lool, too gen’ee no mbind, no poy kaa a gen’u.

Esayi 2:22

Mbaasyo ngoolooxaa o kiin oxe o ñoow um a hapeena no haaƭ soom. Ndi xar refu o njiriiñ um?

2 Caloori ke 16:12

No hiid qarɓeen tadik fo ɓetuu nahkandeer ole no maat um, jir ɗomu a damaan na caf. Ke jir le a ɗom’ina fop oo, taxee ta waaƭ o Yaal oxe ndax a ƴufginook o baawaadin.

A pi ake 4:22

O koor oxe wodand’eena no anddiloor olaaga a hupiɗ’a xa kiid qarɓeen nahik.

A pi ake 3:2

A jeg’a koy o koor oxaa rimteena ƥoof. Kaa moofoogu no mbiñ onqe xoyoogeena Ndokand mosu ne no Mbind Roog naa. Bes fuu refna, kaa meeɓoogel, a diƈel maaga, ndax ta sadaxnooxaa we ndokiidoogna no Mbind Roog naa.

YEGIL MBAAX NE YEESU ne Saŋ a bindtuuna 9:21

Kaa koy, no ke farna no waag a ka um ndiiki, a ñaama a in, too i andee oxe ga’nooruuna. O ten oo xeene. Laamteenoo, yaam o maak jiŋ oo. Xan a lay a nuun a qool qac ne fop a xewitna.»

Mark 9:18

Muu ta damtuuna, kaa maafan a lanq, a naaga o jegaa a puur no don um, too kaa ƴaxaa a ñiiñ ake, cer um a naangat saƭ a mbeer. Dimle’nooxaam daalbe we wo, ndax da ndax jini fee, ndaa mbaagiran.»

A kim a tedu ke 108:12

a refangeerna wo Roog? Kaa koy, deɓaa deɓ a in, too yoonatiro xiixire we in.

Ke bindeena no xe ne’eena YOB 13:4

Nuun o mat, kaa nu ngulaa o moon took njong, ndef fan sirkañ, nuun fop.

Mark 12:44

Yaam lakas we fop, xaaliis fee da soxla’eerna a sadaxtu, ndaa o ten o mat, kam o ñak um, a cooxta fop ke ta jeg’ina, reeƭna ñoowir um.»

YEGIL MBAAX NE YEESU ne Lik a bindtuuna 8:42

yaam o ƥeem o ndew onqaa jeg’ina xa kiid xarɓaxay fo xa kiid xa ƭaq kaa meeñoogu. Yaa Yeesu a inooxna a retaa, wiin mayu a ƥiikloogaan.

YEGIL MBAAX NE YEESU ne Lik a bindtuuna 8:44

A garta a Yeesu a cinj, a matiidin, a duq o noflax ole no ndoki ne ten, too ndak fo ndak o tew oxe a woda.