YEGIL MBAAX NE YEESU ne Lik a bindtuuna 8:41 - NQAARIIT NE ROOG

⁴¹ Maaga, o koor oxaa ne’eena Yayrus, too a ref kelfa no mbind a qeƭ naa a fadiida, a gooknoox paam Yeesu, too a layin ta ret no mbind um,

YEGIL MBAAX NE YEESU ne Lik a bindtuuna 8:41 Referans Kwoze

A pi ake 18:8

Kirispus fee reeƭna o aa-adax oxaa no mbind a qeƭ naa sax, a gim’a no Yaal oxe, ten fo wiin mbind um fop. Maaga, mayu no Kookorint waa nan-gilooxoogna a Pool, a ngim’a too a mbatiise’’e.

A pi ake 13:15

Pitik, a jega oxaa jangna a maak kam safe le no kebil ke fo no safe le no duleer we boo a ƴut. Cinj kaaga, waa no mbind a qeƭ naa a simta da layel ee: «Fog we, nu njegangaa kaa nu mbaare’na mbokatax ne, layeenoo, ndax ta saƭakin a den.»

YEGIL MBAAX NE YEESU ne Lik a bindtuuna 13:14

Kaa koy, o aa-adax oxaa no mbind a qeƭ naa kaa fuux’u, yaam ne Yeesu a wodandoogna na bes fee na ñootnax ale. Maaga, a laya faan laa yee: «Mee ndax ñaal ɓetuu fa leng mbare o njalaa? Ndax kaa nu mbaagee o ngaraa no pes keene, nu mbugangaa o mbodandel, too mbañ o ngaraa na bes fee na ñootnax ale?»

YEGIL MBAAX NE YEESU ne Lik a bindtuuna 8:49

Yaa ta maadna o layaa fa den kaaga, o koor a inoortiida no mbind kelfa faa no mbind a qeƭ naa, too a lay ee: «O ƥeef o ndew a ñaka ndiiki. Jaratee o inaa o Caajangin oxe.»

Mbeeñil 5:8

Ye ta xotna a kayit ale, pindel nahik ke fo maak qarɓeen ƭik fo maak nahuk we a ndalfooxa o ngooknoox mbaambir no Mbaal onqe. Oxuu refna na den kaa saq’u o nqilimb fo o ndog wurus o yipe cuuraay boo muut. Cuuraay feene koy reeƭu a qeƭ ake no gimu we mbogna na Roog.

A pi ake 18:17

Maaga, fop a yena took Sosteen, o aa-adax oxe no mbind a qeƭ naa, soo a nqawtan mbaambir o hate’and olaa. Kaa koy, kaaga sax haal’ee a Galyoŋ.

A pi ake 9:38

Daalbe we ndeeƭna Yope a nana yee Piyeer oxaa Lid, paam Yope. Naaga, a lula wiin ɗik maa Piyeer, ndax da layin ee ta ñof o jaaɓiid a den.

YEGIL MBAAX NE YEESU ne Lik a bindtuuna 17:16

Yaa ta fadiidna maa Yeesu, a diga o gooknoox na caf um, a jookin a njal. Oxeene o Saasamari a reeƭu.

YEGIL MBAAX NE YEESU ne Lik a bindtuuna 5:8

Yaa Simoŋ Piyeer a ga’na kaaga, a naaga giriƥriƥ, a gooknoox paam Yeesu, too a lay ee: «O Yaal oxe, goƭaam yaam o paabakaad refum.»

YEGIL MBAAX NE YEESU ne Saŋ a bindtuuna 11:21

Marta a laya a Yeesu yee: «O Yaal oxe, o reeƭangaa meeke, o camin es xonkoogee.

YEGIL MBAAX NE YEESU ne Lik a bindtuuna 8:42

yaam o ƥeem o ndew onqaa jeg’ina xa kiid xarɓaxay fo xa kiid xa ƭaq kaa meeñoogu. Yaa Yeesu a inooxna a retaa, wiin mayu a ƥiikloogaan.