YEGIL MBAAX NE YEESU ne Lik a bindtuuna 8:37 - NQAARIIT NE ROOG

³⁷ Yaa waa no saax laa no Geegerasin we a nanuuna, a nqetooxiida a Yeesu, soo a nqeɗooxin ndax ta sutoox saax den, yaam kaa ndiid’u lool. Cinj kaaga, Yeesu a roka no suk, ndax ta nomtoox.

YEGIL MBAAX NE YEESU ne Lik a bindtuuna 8:37 Referans Kwoze

A pi ake 16:39

A ngara, a mbaasnoox a den. Cinj kaaga, a mbokta a den, a nqeɗ a den da sutoox teeru faa.

YEGIL MBAAX NE YEESU ne Lik a bindtuuna 10:16

Yeesu a dakooxa o lay daalbe um ee: «Oxuu nan-gilooxna a nuun, mi a nan-gilooxu, oxuu fañna a nuun, mi a fañu, too oxuu fañaxama, Faap es fee luliidaxama a fañu.»

YEGIL MBAAX NE YEESU ne Lik a bindtuuna 9:56

Cinj kaaga, a ndeta na saate fa lakas.

YEGIL MBAAX NE YEESU ne Lik a bindtuuna 9:5

Wiin waa a ngenarangee a nuun, fat nu sutoox teeru faaga, yirif fo ut a caf nuun, ndax ta ref seede took den.»

YEGIL MBAAX NE YEESU ne Lik a bindtuuna 8:28

Yaa ta ga’na a Yeesu, a wuuqa, soo a dig a gooknoox paam a caf um, too a lay a maak ee: «Yeesu wo fee refna o Ƥeenqe Roog fee Took-ee-took! Xar bugaxamo o fi? Waay waay, ba o xijlaam!»

YEGIL MBAAX NE YEESU ne Lik a bindtuuna 5:8

Yaa Simoŋ Piyeer a ga’na kaaga, a naaga giriƥriƥ, a gooknoox paam Yeesu, too a lay ee: «O Yaal oxe, goƭaam yaam o paabakaad refum.»

Mark 5:17

Maaga, a ndalfooxa o ndef no nqeɗooxaa a Yeesu, ndax ta sutoox saax den.

Mace 8:34

Yaa waa no saax laa a yeguuna, a nqetooxiida a Yeesu, soo a nqeɗooxin ndax ta sutoox saax den.

1 Maad we 17:18

O yaal mbind o tew oxaa a ñofa o laamit a Eliya yee: «Xar i ndeeru, wo o kiin Roog oxe? Kaa o xalatooxiidaam ndax o wetand a Roog tooñ es boo a tax o ƥees a xon neeke?»

1 Sami’el 6:20

Wiin we Bet-Semes kaa layoogu yee: «An waagu boog o geenoox mbaambir no Yaal oxe, Roog fa tedu fene? Ndi maa an a xotkaa, yaa ta inoorna me in?»

A cangatin ale 5:25

Ndiiki koy, xar na taxkaa i njikooxaa xa ñis in? Fiɗel lene took o raaɓ a in a jofu. I ƥaatangaa o nan o ñuxur ole no Yaal oxe Roog in, xan i nqon.

YEGIL MBAAX NE YEESU ne Lik a bindtuuna 8:36

We nga’’ina ke xewna fop a mbetandooxa lakas we ne oxe cini ke a ndam’ina a wodit’ina.

YEGIL MBAAX NE YEESU ne Lik a bindtuuna 8:38

O koor oxaa cini kaa a sutoorit’ina kaa xeɗooxoogu, ndax ta yoon fa Yeesu, ndaa Yeesu a heblaan ee: