YEGIL MBAAX NE YEESU ne Lik a bindtuuna 8:28 - NQAARIIT NE ROOG

²⁸ Yaa ta ga’na a Yeesu, a wuuqa, soo a dig a gooknoox paam a caf um, too a lay a maak ee: «Yeesu wo fee refna o Ƥeenqe Roog fee Took-ee-took! Xar bugaxamo o fi? Waay waay, ba o xijlaam!»

YEGIL MBAAX NE YEESU ne Lik a bindtuuna 8:28 Referans Kwoze

Mace 8:29

A laya a maak ee: «Wo fee refna o Ƥeenqe Roog, xar bugo fi a in? Ndax kaa o xijliid a in boo waxtu fee a helko fo fadaa?»

2 Piyeer 2:4

Yaam Roog wuusee malaaka ke mbakaadna, ndaa a deɓa a den kam fiɗel laa. Maaga a ngeekkeel kam o niɓaan ole boo no ñaal naa na hate faa.

Mbeeñil 20:10

Maaga, o ƈiƴ oxe naxoogna qeet keene a joore kam a mbeel fiɗel alaa no nqeen saasu kaa, maa Ɓaanoor fo o tuleer o maamaaɓ oxe a njoor’eena. Xan a toroxandeel ñaal fo o yeng boo faw.

1Saŋ 3:8

Oxuu genna no fi’aa bakaad, no ƈiƴ oxe a fogu, yaam o ƈiƴ oxe kaa bakaadaa, yaa fo mberaandoong naa boo ndiik. O Ƥeenqe Roog koy, a feeña ndax ta yaq calel ke no ƈiƴ oxe.

Saak 2:19

Gimaa yee Roog fa leng soom jegu. Keene paax oo, ndaa cini ke sax sax a andaan, too a mbitaan.

Esayi 27:1

A koom, xan o Yaal oxe a xot laƥ maak mbeelu njegu doole ne ten, a xaw a Lewiyatan, mbangool ne na ƴufaa too a xuyaa, a war a Niŋki-naŋka feene kam o maag ole.

YEGIL MBAAX NE YEESU ne Lik a bindtuuna 8:27

a jopir Yeesu a fudooxiidaa, o koor oxaa cini a ndamna, too a gen na teeru faaga a xetiida fo ten. A miñ’a fo ñak o rokoox ndoki lool, too gen’ee no mbind, no poy kaa a gen’u.

YEGIL MBAAX NE YEESU ne Lik a bindtuuna 8:29

Maaga, Yeesu a hebla jini faa ta sutoox no koor oxeene ta dam’ina yaaga boo ndiik. O koor oxaa kaa yetooxoogel, a humeel ceen na xa ƥay fo celem na caf ake. Kaa koy, kuu ta humit’eena humit a ɗegin, soo jini fee a ɓakandin farna fo a koƥ-a-ƥor alaa.