YEGIL MBAAX NE YEESU ne Lik a bindtuuna 8:25 - NQAARIIT NE ROOG

²⁵ Yeesu a laya daalbe we ten ee: «Taa o ngim nuun?» Kaa koy, kaa ndiid’u, a njaaxiɗ lool, too a layaa yee: «An oo kiin oxene na ŋalaa nqeñ ne fo foofi le sax boo da nananan?»

YEGIL MBAAX NE YEESU ne Lik a bindtuuna 8:25 Referans Kwoze

Mace 8:26

Yeesu a laya a den ee: «Xar taxu nu ndiid? Nuun soo neew o ngim!» Cinj kaaga, a inooxa, a ŋal nqeñ ne fo o maag ole, too fop a naag’ata yereŋ.

Xa peƭit axe 30:4

Ndi an ŋaayu na asamaan soo a fudoortiid teen? An mupu nqeñ ne na xa ƥay um? An fofu poofi ke no ndoki um? An dalnu cat ke no lanq ke? Nam a ne’e fo nam o ƥeem a ne’e? Layeen, a soƥangaa yee andaano.

Mace 14:31

Ndak fo ndak, Yeesu a letna o ɓay um, a damin, too a layin ee: «Wo soo neew o ngim! Xar taxu o gimaƭar?»

YEGIL MBAAX NE YEESU ne Saŋ a bindtuuna 11:40

Yeesu a doonaan ee: «Kaa layiroong ee o gimangaa, xan o ga o ndam Roog?»

YEGIL MBAAX NE YEESU ne Lik a bindtuuna 12:28

Roog a ñirtangaa neene daaƭ le na xa saawit axe, andoona yee a refangaa xaye, o feet ta deɓel no ngañ, ndax moƴkee o ñir a nuun? Nuun soo neew o ngim!

Mace 17:20

Yeesu a laya a den ee: «Ne nu ñakna o ngim taxu. No ndigil, mexe layaa a nuun ee: Nu njegangaa o ngim onqaa fodna nen o xonq seneew, xan nu lay o joong olene yee: ‹Inooxi mene›, too xan a inoox meen. Tus xoxkee a nuun. [

Xa peƭit axe 8:29

ye ta fiisanaa o maag ole me ta warna o day, ndax poofi ke ten njolkee a ƥeeraamb ale, a doonaa a per ake no lanq ke.

Mace 6:30

Roog a ñirtangaa neene daaƭ le na xa saawit axe, andoona yee a refangaa xaye, o feet ta deɓel no ngañ, ndax moƴkee o ñir a nuun? Nuun soo neew o ngim!

Mace 8:10

A ƭelem akaaga Yeesu a nan’ina a mbet’aan lool, too a laya waa ndeefooguuna yee: «No ndigil, mexe layaa a nuun ee: Isra’el boo Isra’el a xet, mosiim o ga o kiin o cegtu nene o ngim.

Mark 4:35

No kirand naa na bes fa leng kut faaga, Yeesu a laya daalbe we ten ee: «Fat i laqtook kaltaa o maag ole.»

YEGIL MBAAX NE YEESU ne Lik a bindtuuna 8:24

Maaga, daalbe waa a matiida a Yeesu, a yokin, too a layin ee: «E! E! E! O Caajangin oxe, in we saŋkooxaa kat!» Yeesu a inooxa, a ŋal nqeñ ne fo a yag-ee-yag ake no foofi le, too fop a naag’ata yereŋ.

YEGIL MBAAX NE YEESU ne Lik a bindtuuna 8:26

Yaa Yeesu fo daalbe waa ten a mbadna kaltaa o maag olaa no saax laa no Geegerasin waa mbaambrand Galile,