YEGIL MBAAX NE YEESU ne Lik a bindtuuna 8:24 - NQAARIIT NE ROOG

²⁴ Maaga, daalbe waa a matiida a Yeesu, a yokin, too a layin ee: «E! E! E! O Caajangin oxe, in we saŋkooxaa kat!» Yeesu a inooxa, a ŋal nqeñ ne fo a yag-ee-yag ake no foofi le, too fop a naag’ata yereŋ.

YEGIL MBAAX NE YEESU ne Lik a bindtuuna 8:24 Referans Kwoze

YEGIL MBAAX NE YEESU ne Lik a bindtuuna 4:39

A yoorooxaan, a rax a sumaan ale, too o tew oxe a salda. A dalfooxa o inoox, soo a genar a den.

YEGIL MBAAX NE YEESU ne Lik a bindtuuna 5:5

Simoŋ a layin ee: «O Caajangin oxe, no mbaal i mbe’u, too i ndamee tus. Kaa koy, feek layaano, xam deɓ mbaal ne.»

Nahum 1:4

Kaa ŋalaa o maag ole soo a weernin, a ŋiisin xa quluɓ axe fop, Basan fa Karmel a mbeenjeenj, soo piɗ ke Libaŋ a leeƥ.

A kim a tedu ke 65:7

Wo na saƭkandaa xa coong axe fa doole of soo fapoor katil.

Mace 14:30

Kaa koy, yaa ta ga’na yee nqeñ ne a jega doole, a diida. Yaa foofi laa a buguuna o muur, a wuuqa too a lay ee: «O Yaal oxe, muclaam!»

Yeremi 5:22

Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

Esayi 50:2

Ye garuuma, xar taxu soƥiim meen o leng? Ye xoyuuma, xar taxu jaaɓaandeem? Ndax o ɓay es a raƥa raƥ boo waagee o mucil? Ndax kaa jegiim doole faa wattuuma? Aca i ndet boog! Kaam weernitaa o maag ole fa lay es, supit xa quluɓ axe a koƥ-a-ƥor boo liƥ ke a nqonaa fo a koɗom yaam ne foofi a ñakna soo a mbotaa.

Mace 8:25

Daalbe we a matiidaan, a yokin, a lay ee: «O Yaal oxe, ƴufgi a in, in we saŋkooxaa kat!»

Mark 4:39

Yeesu a inooxa, a ŋal nqeñ ne, too a lay o maag ole yee: «Naagi tek, too riim!» Nqeñ naa a riima, too fop a naag’ata yereŋ.

YEGIL MBAAX NE YEESU ne Lik a bindtuuna 4:35

Yeesu a ŋala jini fee, a layin ee: «Naagi muut! Sutooxi no kiin oxene!» Maaga, jini fee a deɓa o koor oxaa kam wiin waa, a sutoox no ten, too fi’iran kaa ɗomuuna.

YEGIL MBAAX NE YEESU ne Lik a bindtuuna 8:25

Yeesu a laya daalbe we ten ee: «Taa o ngim nuun?» Kaa koy, kaa ndiid’u, a njaaxiɗ lool, too a layaa yee: «An oo kiin oxene na ŋalaa nqeñ ne fo foofi le sax boo da nananan?»