YEGIL MBAAX NE YEESU ne Lik a bindtuuna 8:18 - NQAARIIT NE ROOG

¹⁸ «Mbootooxyo boog ne nu nan-gilooraa, yaam oxe jegna xan a ci’el, ndaa oxe jegeerna koy, o ndik onqe ta foogna yee ten a jegu, xan a jaɓel.»

YEGIL MBAAX NE YEESU ne Lik a bindtuuna 8:18 Referans Kwoze

Mace 13:12

Oxe jegna xan a ci’el, too xan a mayiƭ. Oxe jegeerna o mat, onqe ta jegna sax xan a jaɓel.

YEGIL MBAAX NE YEESU ne Lik a bindtuuna 19:26

‹Neene koy, mexe layaa a nuun ee: Oxe jegna, xan a ci’el, ndaa oxe jegeerna o mat, onqe ta jegna sax xan a jaɓel.

Mace 25:29

Oxe jegna, xan a ci’el, too xan a moƴ o mayiƭ, ndaa oxe jegeerna, onqe ta jegna sax xan a jaɓel.

YEGIL MBAAX NE YEESU ne Saŋ a bindtuuna 15:2

O par oluu saxna na mi, soo a fañ o rim, xan a ɗegin. Oluu na rimaa teen koy, xan a calasin, ndax ta moƴ o rim.

Hebre 2:1

Ten taxu i ngela o ndamloox a paax no tigil ke i nanna, ndax i saƭtirkee fa den, soo mo.

1 Korint 14:37

O kiin a foogangaa yee oxaa na jo’tanaa a Roog oo mbaat ta foog ee kaa daaw ci’it lakas no Yiif le, fat a ɓek no yiif um ee keene binduuma kebil no Yaal oxe yoo.

1 Korint 8:2

Oxuu foogna yee a jega kaa ta andna, andiran a qool qac.

1 Korint 3:18

Ba o leng a nax a xoox um. Oxuu liiƥoorna fo o jeg-yiif ole na adna feeke boo a bug o fakoox, fat a yer yiif um, a jaɓ o ref o ñaku xoox, ndax ta jeg yiif mbaambir Roog.

O leetar ole Pool a bindna GIMU WE NGENNA ROM 12:3

Ne Roog a ci’axama yirmande um, mexey layaa a nuun fop ee: Ba nu yeg a qoox nuun boo muk, ndaa fat nu maandoox na qalaat nuun, oxuu refna a liiƥoor fo a las ale Roog a ci’uuna no ngim onqe.

A pi ake 17:11

Yaawuur waaga moƴ’u o ngore we Tesalonik, yaam a njaɓa fa lay fee Roog fo o ɗaay. Bes fuu refna kaa ƥaaloogu a Pind a Tedu ke, yaam a mbug o nga ndax ke Pool a layoogna teen ndigil oo.

A pi ake 10:33

Ndak fo ndak, luliidaam o kiin farna fa wo, too fi’aa paax yaam garaa! Ndiiki koy in fop, in wey mbaambir Roog, ndax i nan-giloox ke o Yaal oxe a hebloonga o layin a in.»

YEGIL MBAAX NE YEESU ne Lik a bindtuuna 9:44

«Fat xa ƭelem axene a ndok no nof nuun a paax: O Ƥeenqe no kiin oxe a wara o ɓoxotel a ndeer xa ƥay axe no wiin we.»

Filip 3:4

A dey’angaa o fi’el, mi itam waag’aam o doon yaakaar es no cer. A jegangaa oxaa foogna yee a waaga o doon yaakaar um no cer, andaam ee mi moƴun o waag o ten,

Mark 13:14

«Xan nu nga oxe na xoyeel ‹Cakalaaru ke sibdeena› ta fod me ta war’eerna o fod. Oxuu na jangaa a ƭelem akene fat a wootoox a paax! A koom, waa na ndefkaa no jegel olaa Yudee a mbara o ƈufan xa coong axaa.

Xa peƭit axe 14:12

Jaaku kaa mboog ee a ƭat a paax ale a nqotu, kaa koy, na ƭat ale na ɓisaa na fa nqon a ndefu.