YEGIL MBAAX NE YEESU ne Lik a bindtuuna 8:15 - NQAARIIT NE ROOG

¹⁵ Ax ke nduufeena kam lanq paax ke tektu we na nanaa fa lay fee Roog, a njaɓin fo xeeñ letu fo o woor, a ndamin, soo a ndimaa.»

YEGIL MBAAX NE YEESU ne Lik a bindtuuna 8:15 Referans Kwoze

Hebre 10:36

Kaa nu mbar o saƭik kañ, ndax nu mbadin o bug ole Roog soo mbaag o ndaaw ke ta regitna,

YEGIL MBAAX NE YEESU ne Lik a bindtuuna 6:45

O kiin o paax, no xeeñ um faax a xottaa paax, o kiin o paaxeer a xottaa paaxeer no xeeñ um faaxeer. Yaam ke o kiin a layaa fo o don um fop, no ndap xeeñ um a xottan.»

1Saŋ 2:3

I ngayangaa kebil ke ten, maaga i anditkaa yee i anda o Yaal oxe.

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.

Kolos 1:6

Fa lay feene oxe na nuun, a ref itam na adna fa muum. Kaa rimaa, a maakaa. Neene a reftu refit a ndeer nuun, a xotit no ñaal naa nu eeteena o yegin yirmande Roog, andin ndigil.

YEGIL MBAAX NE YEESU ne Saŋ a bindtuuna 14:15

«Nu mbexangaam, fat nu ngay ke hebluuma a nuun.

YEGIL MBAAX NE YEESU ne Lik a bindtuuna 11:28

Maaga, Yeesu a doonaan ee: «We na nan-gilooxaa fa lay fee Roog, soo a ngayan kañ ƭaayu!»

Filip 1:11

Xan nu may fo xa tim xa cofu xaa ngatna na Yeesu Kiristaa, ndax Roog a ɓoxotel o ndam, a simatel.

O leetar ole Pool a bindna GIMU WE NGENNA ROM 7:4

Neene o mat a reftu na nuun itam, nuun fog we. Nu ƭegoora o kay fo kebil ke, yaam kaa nu mbog no cer ke Kiristaa fee xonna yaam in. Ten taxu, nu ndefanat o lakas, ta ref oxe xontooxna a ndeer no xon we, ndax i sakan a Roog xa tim xa paax.

O leetar ole Pool a bindna GIMU WE NGENNA ROM 6:22

Ndiiki koy nu sute na bakaad, soo ndefat faɗ Roog. O rim nuun a refata o ñoowooƭ o tedu, soo muj nuun a refat o ñoow o fagkeer ole.

YEGIL MBAAX NE YEESU ne Saŋ a bindtuuna 15:10

Nu naangangaa o ngayaa kebil ke mi, xan nu ngen no mbeq es, yaam neene o mat gaytum kebil Faap es boo gen no mbeq um.

Mace 24:13

Kaa koy, oxe na saƭikkaa boo no muukandoong naa, xan a muc.

A cangatin ale 30:6

Xan o Yaal oxe Roog nuun a xuc a qeeñ nuun fo ake na xa taan nuun, too xan nu mbex o Yaal oxe Roog nuun na qeeñ nuun fop fo na xa laaw nuun fop. Neene, xan nu ñoow,

Hebre 2:1

Ten taxu i ngela o ndamloox a paax no tigil ke i nanna, ndax i saƭtirkee fa den, soo mo.

Efees 2:8

Neene boog, na yirmande Roog nu muctu na pexey o ngim onqe. A muc aleene koy hatee na nuun, ci’it Roog oo.

1 Korint 7:19

Yaam o xucoox fo o ñak o xucoox mbodu: Ƭaxee dara. Ke jegna o njiriiñ kañ refu nanan a Roog, reefaa ke ta hebilna.

O leetar ole Pool a bindna GIMU WE NGENNA ROM 7:18

Andaam ee ke faaxna genee na mi, ta ref no cer es, yaam naagaam o bugaa o fi paax kañ, ndaa o fadnin na xoxaxam sup.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

Yeremi 31:33

Kaa koy, keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Maaga, xam ref Roog den, da ndefat xeet es. Mi o Yaal oxe layun.

Saak 1:4

O saƭkel oleene koy, a hela o feeñ bo ta dey no ñoow nuun, ndax nu ñak sik, soo ndey. Yaaga nu ñakkee dara.

Yeremi 32:29

Kaakalde we na songaa teeru fene xan a ndok teen, a ngeƥandin. Xan a ndoxin riw, ten fo pind ke Baal a doxantoogeena cuuraay na xa tung-took axe den, soo roog lakas ke a njuuranteel teen, ndax um fuuxnoorel.

Yeremi 15:16

Fa lay of oxaa fadiid’aa me mi, kaam xamboogun. Kaa reeƭu na mi baneex fo o ɗaay xeeñ es, yaam kaam kesanel a wo, wo o Yaal oxe Roog fee Hupna fop.

Xa peƭit axe 3:1

O ƥees, ba o weec a cangin es, fat xeeñ of a geek xa as es,

A kim a tedu ke 119:11

Kaam migin xa ñuxur of no xeeñ es, ndax tooñkiroong.

A kim a tedu ke 51:10

Felakinaam too ɗaaynooraam, ndax cer es ke leeƈ’oona a mbecoox.

YEGIL MBAAX NE YEESU ne Lik a bindtuuna 8:14

Ax ke samna kam kiƈ ke ndefu we na nanaa fa lay fee Roog. Kaa koy, a qalaat ake fo kalal ke fo a yuxum ake no ñoow ole kaa ngoñaa a den boo mboorkee.

YEGIL MBAAX NE YEESU ne Lik a bindtuuna 8:16

«O leng heƥandkee o lampa boo a ƴut, soo a sagin a saxal mbaat ta ɓekin yoora njong. Kaa ɗagan, ndax we na ndokiidkaa na ndok ale a mbaag o nga a qoolaand ale.

O leetar ole Pool a bindna GIMU WE NGENNA ROM 8:25

Mee ndax boo i yaakaaraa ke i nga’eerna, kaa i cungtan o muñ.