YEGIL MBAAX NE YEESU ne Lik a bindtuuna 8:13 - NQAARIIT NE ROOG

¹³ Ax ke samna no ƭeŋkeleer ne tektu wiin we andoona yee kaa nan fa lay fee, a njaɓin ndak fo ndak fo o ɗaay, ndaa koy njegee a paƴ na den sax sax. A pe a leng-leng soom a ngimaa, ndaa ƭeetlax ke a ngarangaa, kaa ndalfooxaa o mbes o ngim onqe a cinj.

YEGIL MBAAX NE YEESU ne Lik a bindtuuna 8:13 Referans Kwoze

YEGIL MBAAX NE YEESU ne Saŋ a bindtuuna 5:35

Saŋ reeƭu o jam ole na kaƥaa, a meleƈaa, too nu mbug’a o moof o ndik sax, mbelakinoox yoora kaƥ ne ten.

Hoose 6:4

Um doon a den ee: «Wo Efrayim, ndi xar um fi’kang? Wo Yudaa itam, xar um fi’kang? O mbeq nuun kaa nand nen eel nqes, a nand fo a liim ale na yenaa no njeeƈ-tanqin.

Heseki’el 33:32

Kaa o ref na den o kiigim oxaa da mbugna, o yaal o ñuxur o felu, oxaa waagna mbak. Kaa nan-gilooxaa fa lay of, ndaa ndeefiran.

Xa peƭit axe 12:12

Ke o soxodu xe a yaawaa na maafkan no mbog ne ɗaapaneena wiin faaxeer we, o cofu xe mat a ref ndaxar ndiirim.

Yudaa 1:12

A tef den fa nuun yaa nu ndeerna a ñaam kaa ref na nuun njom, a topatooxaa a qoox den soom. Muu da ndefna kaa laltaa o ruud den, too njegee teen gaci. Kaa nand nen a karinj akaa nqeñ ne a yetnaa, too ndeɓkee foofi muk. Kaa nand itam nen taxar ke ndimkeerna muk, a refangaa sax ee waxtu den kaa gar. Taxar keene njegee a paƴ. Kaa nqon boo faq!

2 Piyeer 2:22

Ke o feƭit ndigil oleeke a layna, dalu a den: «O ɓox ole xan a geleeroox, a ñaam ke ta xuqna», too itam: «Ruul le ɓogeena boo a ƴut, xan a firkilookahin kam lopopooƈ le.»

2 Piyeer 2:20

A sutooxa no ke waagna o yaq cer na adna fee, yaam a and o Yaal in fo o Muumucil in Yeesu Kiristaa. A nomtooxangaa teen boo keene a hupat a den doole, xan a moƴat o mbaaxaƭar ne da nand’ina peraand.

Hebre 10:39

In koy, i mbogee no we na nomtooxaa a cinj soo a mo, ndaa no we njegna o ngim onqaa mucilna a den i mbogu.

Efees 3:17

Kaam xeɗaa, ndax Kiristaa a gen kam a qeeñ nuun na pexey o ngim nuun. Kaam xeɗaa itam nu sax no mbeq onqe, ndamoox, saƭik teen.

Esayi 58:2

Ñaal oo ñaal kaa mbi’ooxaa waa na mbaaƭaxam, nen waa mbugna o and ke um cungaa da mbi. Kaa nandtaa saax laa na mbesooraa ne warna too mbaasee a ƭat ale Roog den a dalinna. Kaa nqeɗaxam kate cofu soo a mbug um ref fa den.

Saak 2:26

Ten taxu, ne njer njegee ñoot a xonitna, neene a nandu no ngim onqe yooneerna fo a pi. Ten itam kaa xon.

1 Timote 1:19

geek o ngim onqe fo yiif jeejooxeer dara. Yiif leene koy, a jega waa naanguuna buc, too kaa ngido kalte o ngim onqe.

1 Tesalonik 3:5

Ten taxu, ye waag’ateeranuuma o muñ, luliidaam a Timote me nuun, ndax ta feednaam o ngim nuun, yaam kaam saɗaroogu yee xan o poofoog oxe a nax a nuun boo calel ƭomu in a ndef kasaara.

Kolos 2:7

Saxyo no ten, ndamoox no ten, o ngim onqe a fapit a nuun doole, ne nu njangnit’eena o ten, too ngen no ngidman.

Galati 3:4

Ndax ke nu ƭeetlooxeena fop, kasaara a refkaa? Ha’aa o mat, refkiran.

Galati 3:1

Cey, Gaagalati ñaku xoox we! An laxadu a qoox nuun? Nu mbetandooxe a paax ne Yeesu Kiristaa a warit’eena na kurwaa boo kaa fi’at sax nen kaa nu maadin.

1 Korint 15:2

njegit teen a muc. Yaakaaraam ee ne yegnitanuuma a nuun, nu ndamtun a ndamit, yaam nu ndamtangiran neene, o ngim nuun kasaara soom a refkaa, ɗaxkee dara.

YEGIL MBAAX NE YEESU ne Saŋ a bindtuuna 15:6

Oxuu saxeerna na mi, xan a deɓel tafil nen o par o ɗege, too xan a weer. A weerangaa koy, xan a deɓel na fiɗel, a doxik.

YEGIL MBAAX NE YEESU ne Saŋ a bindtuuna 15:2

O par oluu saxna na mi, soo a fañ o rim, xan a ɗegin. Oluu na rimaa teen koy, xan a calasin, ndax ta moƴ o rim.

Xa peƭit axe 12:3

Kañaan saƭkinee a keen no kiin, a paƴ ake no jofu we mat yo’nooxkee muk.

Ke bindeena no xe ne’eena YOB 19:28

Nuun o mat, kaa nu laamtooxaa yee: «Nam i ñosombilitkan boo ta waag o lay ndigil ne, yaam a woora yee ten garu fo ke daluuna?»

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

1 Korint 13:2

Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

Mark 6:20

yaam Herood kaa saɗar’u a Saŋ. A and’a xil ee Saŋ o koor o cofu a reeƭu, a ted, ten taxu ta saytooxoogun. Boo ta nan-gilooxooguuna, a jaaxɗooga, ndaa kaa nan-gilooxoogun fo o ɗaay.

1Saŋ 2:19

Kam in a sutooru, ndaa mbog’ee na in, yaam a mbog’angaa na in tigi, a yoqkooga fa in. Keene a xewa, ndax ta woor a in ee fop mbogee na in.

YEGIL MBAAX NE YEESU ne Lik a bindtuuna 8:12

Ke samna na ƭat ale koy, refu wiin we na nanaa fa lay fee, soo o ƈiƴ oxe a gar a watin fa lay fee duufeena na qeeñ den, yaam ndik da ngim, a muc.

YEGIL MBAAX NE YEESU ne Lik a bindtuuna 8:14

Ax ke samna kam kiƈ ke ndefu we na nanaa fa lay fee Roog. Kaa koy, a qalaat ake fo kalal ke fo a yuxum ake no ñoow ole kaa ngoñaa a den boo mboorkee.