YEGIL MBAAX NE YEESU ne Lik a bindtuuna 8:10 - NQAARIIT NE ROOG

¹⁰ Yeesu a doona a den ee: «Kaa nu ci’el o and kunpa ke no Maat ne Roog, ndaa no lakas we o mat, kaa war o fi’tel a naxax. ‹Neene, a naangangaa o ƭeetaa, nga’kee, too a naangangaa o nanaa, andkee.› »

YEGIL MBAAX NE YEESU ne Lik a bindtuuna 8:10 Referans Kwoze

Esayi 6:9

A layaxam ee: «Reti o lay xeet feene yee: ‹Nu mbug oo nanit nof nuun, ndaa nu andkee tus, ƭeetit a kid nuun, ndaa nu nga’kee dara.›

Mark 4:11

A laya a den ee: «Kaa nu ci’el kunpa fee no Maat ne Roog, ndaa no we ndefna tafil, fop kaa war o fi’tel a naxax.

Mace 11:25

Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.

Yeremi 5:21

Nan-gilooxyo kene, nuun xeet fa ƥodaxu too a ñak-yiif. Nu njega a kid, ndaa nu mbaagee a ka, njeg nof, ndaa nu mbaagee o nan.

Esayi 44:18

Wiin nandu neene, dara refee na qoox den, andee dara. A kid den kaa muurel boo mbaagee a ka, soo da ndaƥ a yiif boo mbaagee o ndam tig.

Kolos 2:2

ndax da mbaag o njeg yaaloor, o mbeq a fokat a den, da mbapoor yiif o andik kunpa Roog, ta ref Kiristaa.

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

Mace 16:17

Yeesu a layaan ee: «Ɗaayaa, Simoŋ, o ƥiy Yoona, yaam refee yee cer ke mbaat fo’oy le mbeeñlong o ten, ndaa Faap es fee refna na asamaan.

A kim a tedu ke 25:14

O Yaal oxe kaa feeñlaa we saɗaruuna kunpa um soo a aqatinaa a den ngiɓoor um.

A cangatin ale 29:4

Ɗoxaam a nuun boo xa kiid qarɓeen nahik kam a koƥ-a-ƥor ale, too ñirax ke nu ndokooxna siɗooxee, xa ñaaƭ axe na caf nuun ñaamooxee.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

1 Korint 12:11

Keene fop koy, Yiif leng kut le Roog na fi’an, oxuu refna ta danqin ci’it um ne ta bugtuuna.

YEGIL MBAAX NE YEESU ne Saŋ a bindtuuna 12:40

«Kaa Roog a fuuland a den, a ŋajnoor a den, yaam ndik da nga’it a kid den, a andit a qeeñ den, soo da saktooxiid me mi, um wodand a den.»

Esayi 29:14

Ten taxu xam maad o jaaxɗandtaa xeet fene comlaand. O jeg-yiif ole no jegu yiif we ten xan a mo mir, o and ole no yaal-o-and we ten a sooƴ.»

Heseki’el 12:2

«Wo fee o ƥiy no kiin, kaa o gen a ndeer xeet fa mbaafañ: A njega a kid, ndaa naangee o nga’aa, a njeg nof, ndaa naangee o nanaa, yaam kaa ndef xeet fa mbaafañ.

Mark 4:12

Neene, a naangangaa o ƭeetaa, nga’kee, too a naangangaa o nanaa itam, andkee, yaam ndik da saktoox na Roog, soo a mbaasanel pakaad den.»