YEGIL MBAAX NE YEESU ne Lik a bindtuuna 8:1 - NQAARIIT NE ROOG

¹ Cinj kaaga, Yeesu a retooga ndeer saate fa saate a waare’aa, too a yegnitaa Yegil mbaax ne no Maat ne Roog. Xarɓaxay fo ɗik waa a ndeefanaan.

YEGIL MBAAX NE YEESU ne Lik a bindtuuna 8:1 Referans Kwoze

Mace 4:23

Yeesu a widooga Galile fop, too a jangnaa kam pind a qeƭ kaa den. A waare’ooga Yegil mbaax ne no Maat ne na asamaan. A wodandooga jir luu refna fo o ƭomel oluu dam’ina wiin waa.

O leetar ole Pool a bindna GIMU WE NGENNA ROM 10:15

Kaam ee nam a waare’itkeel, yaa o leng a lulaandeena? Yaag oo toox de, a Pind a Tedu ke kaa lay ee: «Ndaw o jaf o mosu, no xaa na yegnitaa yegil mbaax!»

A pi ake 13:32

In oo, kaa i yegnaa a nuun Yegil mbaax nene: Ke Roog a reg’ina daan we in,

YEGIL MBAAX NE YEESU ne Lik a bindtuuna 4:18

«Yiif le no Yaal oxe xe took es. Kaa ɗuumaam ndax um yegnik rool we Yegil mbaax ne, a lulaam ndax um yegin faɗ we a bat ale, yegin we mbuulna o ga ole, soo wokit we toroxandeena,

Mark 1:39

Neene, Yeesu a reta kam Galile fop. Kaa waare’oogu kam pind a qeƭ ke no saax le, too a raxaa cini ke.

Mace 13:19

O kiin a nanangaa fa lay fee no Maat ne, too andee ke ta tekitna, o paaxeer oxe kaa garaa soo a watin ke duufeena kam xeeñ um. O kiin oxeene nandu fo ax ke yenna kam a ƭat ale.

Mace 11:1

Yaa Yeesu a janginna daalbe xarɓaxay fo daalbe ɗik waa keene boo a ƴut, a inooxa maaga. Kaa jangnoogu, a waare’aa kam teeru kaa den fop.

Mace 9:35

Yeesu a reefanooga teeru ke fo caate ke, a jangnaa kam pind a qeƭ kaa, too a waare’aa Yegil mbaax ne no Maat ne Roog. A wodandooga jir luu refna fo nqiiboon nuu refna.

YEGIL MBAAX NE YEESU ne Lik a bindtuuna 1:80

Maaga, o ndeɓandoong onqe a maakooga, too a moƴ o jegaa yiif. Kam a koƥ-a-ƥor ale a gen’u, boo na bes faa ta geenooxna mbaambir Isra’el.

YEGIL MBAAX NE YEESU ne Lik a bindtuuna 9:6

A ndalfooxa o ndet, a ñaaƴaa ndeer saate fa saate, a yegnitaa Yegil mbaax ne, soo a mbodandaa jiru we muu refna.

YEGIL MBAAX NE YEESU ne Lik a bindtuuna 20:1

Na bes fa leng, a jopir Yeesu a jangnaa wiin waa kam Mbind Roog naa, soo a waare’aa Yegil mbaax ne, saasadax maak waa fo jaajangin maak waa no kebil kaa Moyiis fo maak waa a ngara maa Yeesu,