YEGIL MBAAX NE YEESU ne Lik a bindtuuna 7:7 - NQAARIIT NE ROOG

⁷ Ten taxu itam bugiim o gar farna fa wo, mi fa xoox es. Layi o ɗelem o leng rek, too xan o tag es a wod.

YEGIL MBAAX NE YEESU ne Lik a bindtuuna 7:7 Referans Kwoze

A kim a tedu ke 107:20

A hebliida fa lay um, a wodandtin a den, a suudit a den na fa nqon fee.

YEGIL MBAAX NE YEESU ne Lik a bindtuuna 4:36

We ndeeƭna maaga fop a njaaxiɗ’a, too kaa layroogu a ndeer den ee: «Kene fa lay xar oo? Kaa heblaa cini ke fa sañ-sañ fa katil, da sutoox.»

A kim a tedu ke 33:9

yaam kuu ta layna ta jeg. Kuu ta heblitna ta sakoox.

Mark 1:27

Wiin waa fop a ndiid’a, a ndefat no laamtiraa yee: «Xar kene? A cangin a qas alaa yoonna fa sañ-sañ! O kiin oxene kaa heblaa cini ke sax, too kaa nananan.»

YEGIL MBAAX NE YEESU ne Lik a bindtuuna 5:13

Yeesu a letna o ɓay um, a duqin, too a lay ee: «A felaxam, xooli!» Ndak fo ndak, a tik-a-maak alaa ten a wata.

A cangatin ale 32:39

Andyo boog ee mi yoo, mi soom refu Roog, too fa lakas jegee meen. Mi na jangaa o ñis, too mi na ñoownaa itam. Mi na gaañaa soo wodandaa. O leng waagee o wat o kiin no ɓay es.

1 Sami’el 2:6

O Yaal oxe na jangaa o ñis, too ten na ñoownaa itam. Ten na ɓisaa o kiin jaaniif, a sutan teen.

A sutax ale 15:26

Keeke mat a layu: «Nu nan-gilooxangaam, mi o Yaal oxe Roog nuun, mbi cofu mbaambir es, ngay kebil es, nanan bargal es, xawitkiim a nuun a cir ake xawtuuma Miimisira we, yaam mi refu o baawaadin nuun, mi o Yaal oxe.»

YEGIL MBAAX NE YEESU ne Lik a bindtuuna 7:6

Maaga, Yeesu a yoona fa den. Yaa da matiidna mbind naa, o aa-adax no xiixire teemeed oxaa a lula qaariit um, da nqetook a Yeesu, too a layaan ee: «O Yaal oxe, deyee o garaa, jombaa o rok no mbind es.

YEGIL MBAAX NE YEESU ne Lik a bindtuuna 7:8

Mi o mat, kaam fi’aa ke we kelfa’axama a simaxam. Jegaam itam xiixire waa um lulaa. Kaam layaa o leng ee: ‹Reti!› ta ret, soo um lay o lakas ee: ‹Gari!› ta gar. Kaam layaa surga es itam ee: ‹Fi’i kene!› ta fi’in.»