YEGIL MBAAX NE YEESU ne Lik a bindtuuna 7:6 - NQAARIIT NE ROOG

⁶ Maaga, Yeesu a yoona fa den. Yaa da matiidna mbind naa, o aa-adax no xiixire teemeed oxaa a lula qaariit um, da nqetook a Yeesu, too a layaan ee: «O Yaal oxe, deyee o garaa, jombaa o rok no mbind es.

YEGIL MBAAX NE YEESU ne Lik a bindtuuna 7:6 Referans Kwoze

Saak 4:6

A ci’a a in yirmande faa hupna fop. Kaa nand nen ke layeena kam a Pind a Tedu ke yee: «Roog a faña we na magnandooxaa, ndaa a yirma we neewandooxna.»

Mark 5:24

Yeesu a yoona fo ten, too wiin mayu a ndeefanaan, soo a ƥiiklan.

YEGIL MBAAX NE YEESU ne Lik a bindtuuna 8:49

Yaa ta maadna o layaa fa den kaaga, o koor a inoortiida no mbind kelfa faa no mbind a qeƭ naa, too a lay ee: «O ƥeef o ndew a ñaka ndiiki. Jaratee o inaa o Caajangin oxe.»

Saak 4:10

Neewandooxyo mbaambir Roog, ndax ta yoɗ a nuun.

YEGIL MBAAX NE YEESU ne Lik a bindtuuna 5:8

Yaa Simoŋ Piyeer a ga’na kaaga, a naaga giriƥriƥ, a gooknoox paam Yeesu, too a lay ee: «O Yaal oxe, goƭaam yaam o paabakaad refum.»

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

Xa peƭit axe 29:23

A magnandax kaa maafaa o yaal um, oxe neewaandooxna mat a niweel.

YEGIL MBAAX NE YEESU ne Lik a bindtuuna 7:4

Yaa we luleena a ngarna maa Yeesu, a nqeɗaan, too a lay ee: «O koor o paax oo, fat a fi’antel o ten ne ta bugtuuna,

Mberaand 32:10

Yakoob a laya yee: «Roog fee no taan es Abraham, Roog fee na faap es Isaak, o Yaal oxe wo fee lay’axama yee: ‹Nomtooxi no saax of, no mbaafaap of, too xam fi’anong paax›,

YEGIL MBAAX NE YEESU ne Lik a bindtuuna 7:5

yaam a fexa xeet in, too o ten maxu mbind a qeƭ naa in.»

YEGIL MBAAX NE YEESU ne Lik a bindtuuna 7:7

Ten taxu itam bugiim o gar farna fa wo, mi fa xoox es. Layi o ɗelem o leng rek, too xan o tag es a wod.