YEGIL MBAAX NE YEESU ne Lik a bindtuuna 7:47 - NQAARIIT NE ROOG

⁴⁷ Ten taxu, mexe layang o ten ee: O mbeq o maak onqe ta feeñilna, a lalta yee pakaad mayu ke ten a mbaasane. Kaa koy, oxe waasaneena o ndik, o ndik rek a fexaa.»

YEGIL MBAAX NE YEESU ne Lik a bindtuuna 7:47 Referans Kwoze

1Saŋ 4:19

In o mat, kaa i mbexin, yaam ten eetu o fex a in.

1Saŋ 3:18

Xa teɓandoong es, ba i mbex na ñiiñ fo na fa lay soom, ndaa fat i njeg o mbeq na pi fo no ndigil.

Esayi 1:18

O Yaal oxe kaa tee: «Ngaryo i layoor. Pakaad nuun a yaxgangaa nen fo’oy, xan a ndanig taw nen galam fo jem, a yaxgangaa coy, xan a ndanig fur nen fa liit.

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

O leetar ole Pool a bindna GIMU WE NGENNA ROM 5:20

Kebil ke o mat, kaa mbudooxiid, ndax bakaad fee a moƴ o ɓaatoox. Kaa koy, muu bakaad fee a ɓaatoorna, yirmande Roog a moƴ o siw.

Efees 6:24

Yaasam yirmande fee Roog a ref fo fop we mbexna o Yaal in Yeesu Kiristaa o mbeq o saƭku.

Esayi 55:7

Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.

1Saŋ 5:3

Yaaga koy, fex a Roog refu gay kebil ke ten. Kebil ke ten ƭomee o ndeefel,

1 Timote 1:14

Yirmande fee no Yaal oxe a moƴa o siw koy, too daawaam o ngim onqe fo o mbeq onqe ndefna na Kiristaa Yeesu.

Filip 1:9

Ke um xeɗaa refu rek ee o mbeq nuun a jof mbaambir, a lingir fo o and tigi fo o jeg-yiif o xoolu,

A pi ake 5:31

Roog fa xoox um yoɗun itam, ta moofik na ñamaak um, a dodin o Maad fo o Muumucil, ndax ta ci xeet fee Isra’el da mbes pakaad den a cinj, too a ndaaw a baasan ale.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

YEGIL MBAAX NE YEESU ne Lik a bindtuuna 7:39

Yaa o Farisiya xe xoy’ina a Yeesu a ga’na kaaga, a laya taa no yiif um ee: «O kiin oxene a reeƭangaa o tuleer, a andkooga oxe o tew oxeeke na duqan a refna fo ke ta refna no wiin we. A andkooga yee o paabakaad oo.»

Mace 10:37

Oxuu fexna a faap um mbaat a ya um kupu ke ta fexaxama, jombaanum. Oxuu fexna o ƥeem o ngoor mbaat o ƥeem o ndew kupu ke ta fexaxama, jombaanum.

2 Korint 5:14

O mbeq Kiristaa kaa daaw o adin a in, yaam a woora a in ee o leng kut xonanu fop, ta tekit ee fop a nqonta no ten.

Mise 7:19

Xan o yirimahin a in, njofaƭar in, o uupin, pakaad in, o joor a den no duf-ee-duf laa no maag olaa.

Heseki’el 16:63

ndax o wetandoox ke faafna, soo sed ɓot, ndax yaƥatkatiro o don of yaam gaci of yaa um waasankang fop ke fi’oona. Mi o Yaal oxe na refkaa boo faw layun.»

YEGIL MBAAX NE YEESU ne Lik a bindtuuna 7:46

Mosiraamo o ɗuuman diwliin no xoox es, ndaa o ten o mat a yipanaxam ƭuumooxel na caf es.

YEGIL MBAAX NE YEESU ne Lik a bindtuuna 7:48

Maaga, Yeesu a laya o tew oxe yee: «Pakaad of a mbaasane.»