YEGIL MBAAX NE YEESU ne Lik a bindtuuna 7:46 - NQAARIIT NE ROOG

⁴⁶ Mosiraamo o ɗuuman diwliin no xoox es, ndaa o ten o mat a yipanaxam ƭuumooxel na caf es.

YEGIL MBAAX NE YEESU ne Lik a bindtuuna 7:46 Referans Kwoze

A kim a tedu ke 23:5

Kaa o diƈanaxam ñaamel na kid no fañ es, dalnaxam a paax, yaa o sulaxam diwliin no xoox soo cooxaxam a tokol alaa naagna muut boo a ɓaxooxaa.

O baawaare xe 9:8

Fat o rokooxaa ñirax tan na waxtu fuu refna, too baa diwliin fee a ñak o xeeñaa took xoox of.

Mace 6:17

Wo koy, o hoorangaa, muktooxi soo ɗuumoox.

Dañel 10:3

Ñaamoogiim njaw mbelu leng, a tegeƴ mbaat biiñ rokoogee no don es, too ɗuumooxoogiim boo neen pes tadik takooxiidu ke a mbaafu.

A kim a tedu ke 104:15

biiñ fee na felakinaa kam no kiin, diwliin fee na meleƈnaa mukit um fo ñaamel ke na ci’an doole.

2 Sami’el 14:2

a lulta Tekowa, ndax ta ɓisiidel o tew o ƈiƴu. A layaan ee: «Fi’ooxi o ñaaw, rokoox toki ñaawoor too ba o ɗuumoox. Fesoori nen o tew oxaa miñna o ñaawooxaa.

Ruut 3:3

Ɓogooxi, ɗuumoox, rokoox toki mosu soo ret soƥkin. Ɗofti boo baa ga’ong, a refangee kaa ñaam, a yer boo a ƴut.

Mise 6:15

Xan nu nduuf, ndaa nu saxadkiran, xan nu nol xa tim taxar oliiw, ndaa nu ƭuumooxkee teen. Xan nu nir tuunq xa biiñ, ndaa nu yerkee biiñ fee.

Amos 6:6

yeraa a qaf biiñ a podu ne sabab, ndaxaɓooxaa goonga fee moƴna o fel, too o liir nuun o leng jaaɓee a koom alaa mbind Yoseef a gefna boo tuƈ.

2 Sami’el 12:20

Maaga, Dawid a inooxa a lanq, a ɓogoox, a ɗuumoox soo a supit toki. Cinj kaaga, a reta no Mbind ne no Yaal oxe, a gung, a faɗoox o Yaal oxe. Ye ta nomtooxiidna, a hebla o ɓisiidel ñaamel, soo a ñaam.

YEGIL MBAAX NE YEESU ne Lik a bindtuuna 7:47

Ten taxu, mexe layang o ten ee: O mbeq o maak onqe ta feeñilna, a lalta yee pakaad mayu ke ten a mbaasane. Kaa koy, oxe waasaneena o ndik, o ndik rek a fexaa.»