YEGIL MBAAX NE YEESU ne Lik a bindtuuna 7:44 - NQAARIIT NE ROOG

⁴⁴ Maaga, Yeesu a geleerooxa, a faambir fo o tew oxe, too a lay a Simoŋ ee: «Ga’aa o tew oxene? Rokaam no mbind of, too xafaniraamo foofi laa ɓogtuuma a caf. Ten o mat a xuƥanda a caf es fo xa kooniit um, soo a fortit a den wiil um.

YEGIL MBAAX NE YEESU ne Lik a bindtuuna 7:44 Referans Kwoze

1 Timote 5:10

Fat a andtel a pi a paax, a mos o yaraa xa teɓandoong, a genaroogu we ngaroogna no mbind den, a ɓoganaa tedu we a caf den, a ƴufgaa we ndefna no torox, a fi’aa paax kuu ndefna.

Haahate we 19:21

A ɓisa a den no mbind um soo a yipan xa paam axe fo gooñ. Ñaaƴ we a ƥoga a caf den, a ñaam soo a yer.

Mberaand 43:24

O koor oxaaga i ɓisa a den no mbind Yoseef, a xafan a den foofi da ƥog a caf den, soo ta yipan xa paam axe den fo gooñ.

Mberaand 19:2

Cinj kaaga, a laya yee: «Yaal we mi, ngela ngaryo no mbind no tag nuun, mbe maaga. Feek tige xe yengaa, xan nu mbaag o ƥoganel a caf, mbondoox boo yaa a kid a nqoolna, soo nu sog o suuraa.» A ndoonaan ee: «Ha’aa! No mbelaaƈ onqe i mbe’kaa.»

Mberaand 18:4

Ngela cungyo foofi a ɓisiidel, nu ƥoganel a caf nuun. Ñootnooxafulyo yoora ndaxar neeke.

1 Sami’el 25:41

Abigayil a dalfooxa o gooknoox, a gung a lanq soo a lay a den ee: «Jaɓaam o ref o ceefeer no yaal es Dawid, jaɓ sax o ɓoganaa dag we ten a caf!»

Saak 2:6

Ii, soo nuun o mat, nu nqeefaa a den! Ndax refee yee yaal kalal ke na ngetandaa a nuun? Den o mat na ƥisaa a nuun no qel ke no maad we!

2 Sami’el 11:8

Cinj kaaga, Dawid a laya a Uriya yee: «Reti xaad no mbind of, letnoox o ndik.» Uriya a sutooxa mbind ne no maad oxe, soo o maad oxe a lultin ɗang.

YEGIL MBAAX NE YEESU ne Lik a bindtuuna 7:38

Ye ta fadiidna, a fodta a Yeesu a cinj na caf um. Kaa looloogu boo a xuƥandataa a caf ake Yeesu fo xa kooniit um. Cinj kaaga, a fortita a den wiil um, a foon a den, soo a ɗuumanin teen ƭuumooxel.

YEGIL MBAAX NE YEESU ne Lik a bindtuuna 7:43

Simoŋ a doonaan ee: «Yaakaaraam ee oxe waasaneena o lad ole moƴna magin.» Yeesu a layaan ee: «Layaa ndigil.»

YEGIL MBAAX NE YEESU ne Saŋ a bindtuuna 13:5

Cinj kaaga, a xafa foofi no ƥaxañ, a ref no ɓoganaa daalbe we a caf. Yaa ta ɓogna boo a ƴut, a watna ke ta humnoox’ina, soo a fortitin a caf ake boo da mbiis.