YEGIL MBAAX NE YEESU ne Lik a bindtuuna 7:39 - NQAARIIT NE ROOG

³⁹ Yaa o Farisiya xe xoy’ina a Yeesu a ga’na kaaga, a laya taa no yiif um ee: «O kiin oxene a reeƭangaa o tuleer, a andkooga oxe o tew oxeeke na duqan a refna fo ke ta refna no wiin we. A andkooga yee o paabakaad oo.»

YEGIL MBAAX NE YEESU ne Lik a bindtuuna 7:39 Referans Kwoze

YEGIL MBAAX NE YEESU ne Lik a bindtuuna 7:16

Wiin waa fop kaa ndiid’u no kaaga xew’ina, a simataa a Roog. Wene kaa layoogu yee: «O tuleer o maak a feeña a ndeer in», lakas we a ndamtin na «Roog a fudooxiida, ndax ta wat xeet um.»

YEGIL MBAAX NE YEESU ne Lik a bindtuuna 15:2

Farisiya we fo saasadax maak we kaa ñuxmatilooxoogu, a layaa yee: «O koor oxeeke kaa dalnaa baabakaad we, soo a ñaamaa fa den.»

Mark 7:21

Yaam a qalaat a paaxeer ake, no xeeñ no kiin a sutooraa, den fo pesanir ke fo kuuƭ ke fo barir ke

Esayi 65:5

Kaa layaa we da nqettaa yee: ‹Goƭaam de, ba o duqaam ndik o xoolaƭarnaam.› Fuux na damaxam, a gen no kaƥaa kam es, yaa ga’uuma keene fop da mbi’aa.

YEGIL MBAAX NE YEESU ne Saŋ a bindtuuna 9:24

Farisiya waa a ndakooxa o nqoy o koor oxe fuul’ina, soo a layin ee: «Waraa o ne’aa barke Roog, yaam i anda yee oxe wodandoonga o paabakaad oo.»

YEGIL MBAAX NE YEESU ne Saŋ a bindtuuna 7:12

A jeg’a ñimatir ƭomu a ndeer no wiin we no kaa jofna no ten. Leng we kaa layoogu yee: «O kiin o paax oo.» Lakas we o mat a ndamtin na: «Heey, ha’aa! Oxeene na ruuxandaa moƴ-o-jaak we fop a koƥ.»

YEGIL MBAAX NE YEESU ne Saŋ a bindtuuna 4:19

Maaga, o tew oxe a layaan ee: «Ndik ee o tuleer refo yoo!

YEGIL MBAAX NE YEESU ne Lik a bindtuuna 18:4

Kaa koy, a miña lool, too dimle’iran. O kaahate xe a muj’ata o layaa taa no yiif um ee: ‹Refiim oxaa saɗarna a Roog, too a ƭat es yongee no leng.

YEGIL MBAAX NE YEESU ne Lik a bindtuuna 16:3

O paɗ oxe a laya taa no yiif um ee: ‹O yaal mbind es kaa bug o jaɓ ke ta doxin’axama. Nam um fi’kaa? Ndax kaa um xooxkaa? Kaa koy, jegiim doole um. A sadaxnax koy? Kaaga itam, gaci es oo!

YEGIL MBAAX NE YEESU ne Lik a bindtuuna 7:37

A jeg’a koy na saate faaga o tew o paabakaad. Yaa nof um a naagna xot ee Yeesu oxaa no mbind no Farisiya xaa rek, a ɓisa o moon olaa fi’teena ɓil seeru, a yip ƭuumooxel boo a may.

YEGIL MBAAX NE YEESU ne Lik a bindtuuna 3:8

Saqyo boog a pi akaa lalitna yee nu mbesa pakaad nuun a cinj. Ba nu layat na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

Xa peƭit axe 23:7

yaam refee oxe foogtanoona. Kaa layang ee: «Ñaami boo giñ, yer boo xeƴ!» ndaa koy bugirang o ga.

2 Maad we 5:20

Gehasi fee surga Eliise fee o kiin Roog a laya taa no yiif um ee: «O yaal mbind es a xaña a Naaman, o Aa-araam oxe, boo jangee dara no ke ta ɓisiid’uuna. Ndiiki koy, ne ta wooritna yee o Yaal oxe xe ñoowaa, neene a woortu yee xaye um daabin, jegit no ten tig.»

YEGIL MBAAX NE YEESU ne Lik a bindtuuna 12:17

A xalaata taa no yiif um ee: ‹Xar warum o fi, yaam jegiim maa geekuuma saxade le mi?›

Mace 20:16

Neene we mbalakna ndiiki a ndefitkaa we adooxna, soo we adooxna ndiiki a ndefat we mbalakna.»

Mace 21:11

Wiin mayu a layooga yee: «Yeesu o Naanasaret oxe yoo, o tuleer oxe inoorna no jegel olaa Galile.»

YEGIL MBAAX NE YEESU ne Lik a bindtuuna 7:38

Ye ta fadiidna, a fodta a Yeesu a cinj na caf um. Kaa looloogu boo a xuƥandataa a caf ake Yeesu fo xa kooniit um. Cinj kaaga, a fortita a den wiil um, a foon a den, soo a ɗuumanin teen ƭuumooxel.

YEGIL MBAAX NE YEESU ne Lik a bindtuuna 7:40

Yeesu a laya o Farisiya xaa yee: «Simoŋ, jegaam kaa waroonga o lay.» Simoŋ a doonaan ee. «O Caajangin oxe, layaam o ten!»