YEGIL MBAAX NE YEESU ne Lik a bindtuuna 7:37 - NQAARIIT NE ROOG

³⁷ A jeg’a koy na saate faaga o tew o paabakaad. Yaa nof um a naagna xot ee Yeesu oxaa no mbind no Farisiya xaa rek, a ɓisa o moon olaa fi’teena ɓil seeru, a yip ƭuumooxel boo a may.

YEGIL MBAAX NE YEESU ne Lik a bindtuuna 7:37 Referans Kwoze

YEGIL MBAAX NE YEESU ne Lik a bindtuuna 5:32

Xoyiidiim wiin jofu we, ndaa baabakaad we, ndax da mbes pakaad den a cinj.»

Mace 21:31

An no ɗik waaga fi’u ke faap um a bugna?» A ndoonaan ee: «O eetaand oxe.» Maaga, Yeesu a doona a den ee: «No ndigil, mexe layaa a nuun ee: We na ndabdinooxaa juuti fo we na seeqaa, xan a adoox a nuun no Maat naa Roog.

1 Piyeer 4:18

Kene refu ke a Pind a Tedu ke a layna: «A soƥangaa yee o cofu xe kaa ɗom o muclel, xar na dalkaa soxodu we fo baabakaad we?»

1 Timote 1:9

I anda a paax ee o nanangaa kebil a dalnel, refee yee jofu we taxu, ndaa jofaƭaru we fo luubooxu we fo soxodu we fo baabakaad we. We ngartuuna ndefu itam we niweerna a Roog, we naangeerna o ndeefaa a ƭat Roog fo we na mbaraa we ndimna a den fo waawar lakas we.

YEGIL MBAAX NE YEESU ne Lik a bindtuuna 18:13

O taarabdinax juuti xe a foda a cinj, bug’ee sax o daxaaƴoox na asamaan. Kaa riqooxoogu no ngang, too a layaa yee: ‹Roog, yirmaam mi fee refna o paabakaad!›

YEGIL MBAAX NE YEESU ne Lik a bindtuuna 5:30

Farisiya we fo jaajangin we no kebil ke Moyiis mbog’ina na den a nqaadoox’a, too a layaa daalbe we Yeesu yee: «Xar taxu nu ñaamaa yeraa fo we na ndabdinooxaa juuti fo baabakaad we?»

O leetar ole Pool a bindna GIMU WE NGENNA ROM 5:8

ndaa Roog a lalta ne ta fexitna a in boo Kiristaa a xonan a in, ye i maadna o ndefaa baabakaad.

YEGIL MBAAX NE YEESU ne Saŋ a bindtuuna 11:2

Mbaambir naa, Mari feene o mat na yipkaa o Yaal oxe ƭuumooxel, soo a fortit a caf um wiil le ten. O camin um Lasaar o mat jir’u.

1 Timote 1:15

Keeke fa lay fa mbooru faa deyeena o jaɓ oo: Kiristaa Yeesu kaa gar na adna fee, ndax ta mucil baabakaad we, mi fa xoox es, um ref oxe moƴna faaxaƭar na den.

YEGIL MBAAX NE YEESU ne Saŋ a bindtuuna 9:31

I anda toox de yee Roog naagee o jaɓaa a qeƭ no paabakaad, ndaa oxuu na niwan, a fi’aa ke ta bugna, a naagaan o jaɓanaa.

YEGIL MBAAX NE YEESU ne Saŋ a bindtuuna 9:24

Farisiya waa a ndakooxa o nqoy o koor oxe fuul’ina, soo a layin ee: «Waraa o ne’aa barke Roog, yaam i anda yee oxe wodandoonga o paabakaad oo.»

YEGIL MBAAX NE YEESU ne Lik a bindtuuna 19:7

ndaa waa nga’na kaaga fop a ñunqumtilooxooga yee: «Ɗeeti Yeesu a dalik no mbind no koor o paabakaad!»

YEGIL MBAAX NE YEESU ne Lik a bindtuuna 7:34

o Ƥeenqe no kiin oxe a gar, a ñaamaa a yeraa, soo nu lay ee: ‹O ñaañaam fo o yeeyer oo, a ref xaariit no we na ndabdinooxaa juuti fo no baabakaad we.›

YEGIL MBAAX NE YEESU ne Lik a bindtuuna 7:36

Simoŋ o Farisiya xe a xoya a Yeesu a put no mbind um. Yeesu a roka no mbind um, too a reera fo ten.