YEGIL MBAAX NE YEESU ne Lik a bindtuuna 7:34 - NQAARIIT NE ROOG

³⁴ o Ƥeenqe no kiin oxe a gar, a ñaamaa a yeraa, soo nu lay ee: ‹O ñaañaam fo o yeeyer oo, a ref xaariit no we na ndabdinooxaa juuti fo no baabakaad we.›

YEGIL MBAAX NE YEESU ne Lik a bindtuuna 7:34 Referans Kwoze

YEGIL MBAAX NE YEESU ne Lik a bindtuuna 15:2

Farisiya we fo saasadax maak we kaa ñuxmatilooxoogu, a layaa yee: «O koor oxeeke kaa dalnaa baabakaad we, soo a ñaamaa fa den.»

YEGIL MBAAX NE YEESU ne Saŋ a bindtuuna 12:2

Maaga, Yeesu a jawane a put. Marta diƈiid’u, Lasaar fo lakas a ndeer fo ten.

YEGIL MBAAX NE YEESU ne Lik a bindtuuna 19:7

ndaa waa nga’na kaaga fop a ñunqumtilooxooga yee: «Ɗeeti Yeesu a dalik no mbind no koor o paabakaad!»

YEGIL MBAAX NE YEESU ne Lik a bindtuuna 14:1

Na bes fee na ñootnax ale, Yeesu a roka kam mbind no aa-adax no Farisiya waa, ndax ta reer fa den a ñaam. Wiin waa kaa ngorooxoogun rek.

YEGIL MBAAX NE YEESU ne Lik a bindtuuna 7:36

Simoŋ o Farisiya xe a xoya a Yeesu a put no mbind um. Yeesu a roka no mbind um, too a reera fo ten.

YEGIL MBAAX NE YEESU ne Lik a bindtuuna 5:29

Maaga, Lewi a xura a Yeesu a put no mbind um, too wiin mayu no waa ndabdinooxoogna juuti fo wiin lakas a ndeera fa den, a ñaamaa.

Mace 9:11

Farisiya waa a nga’a kaaga, too a laya daalbe we yee: «Xar taxu o Caajangin nuun a ñaamaa fo we na ndabdinooxaa juuti fo baabakaad we?»

YEGIL MBAAX NE YEESU ne Saŋ a bindtuuna 2:2

Yeesu fo daalbe um oo a nqur’e no ngulook naa.

YEGIL MBAAX NE YEESU ne Lik a bindtuuna 11:37

Yaa Yeesu a ƴutna fa lay, o Farisiya a xoyaan a put no mbind um. A roka, too a reera fo ten.

Mace 5:46

Nu mbexangaa we mbexna a nuun, ndabid num nu mbaru o njeg? Mee ndax we na ndabdinooxaa juuti sax kaa mbi’an!

Mace 11:19

o Ƥeenqe no kiin oxe a gar, a ñaamaa a yeraa soo da lay ee: ‹O ñaañaam fo yeeyer oo, a ref xaariit no we na ndabdinooxaa juuti fo no baabakaad we.› Kaa koy, Roog a fi’a jam, yaam o jeg-yiif ole a jofandte a pi um.»

YEGIL MBAAX NE YEESU ne Lik a bindtuuna 7:33

Saŋ o Paabatiise xe a gara, ñaamee mbuuru, yeree biiñ, soo nu lay ee: ‹Jini damun›,

YEGIL MBAAX NE YEESU ne Lik a bindtuuna 7:35

Kaa koy, Roog a fi’a jam, yaam o jeg-yiif ole a jofandte xa tim um fop.»