YEGIL MBAAX NE YEESU ne Lik a bindtuuna 7:25 - NQAARIIT NE ROOG

²⁵ Ndi xar nu ƭeetik’u? Ndax o kiin oxaa rokooxna tikoorik mosu nu ƭeetik’u? Kaa koy de, nuun moƴu o and ee we na ndokooxaa tikoorik mosu, too a ñoowaa na baneex, owe no pind no maad ke.

YEGIL MBAAX NE YEESU ne Lik a bindtuuna 7:25 Referans Kwoze

Mace 6:29

Mexe layaa a nuun toox de yee: O maad Salomo sax, ke ta jeg’ina jeg o ndam fop oo, mosee o ñiroor nen leng na den.

Mace 3:4

Saŋ koy, ndoki naa fi’teena a ƥiñ ngeeleemb a rokooxoogu, a saqaa o kumnoor ƭool no ndet um. Soƈ fo suum ke na xa yulumbuum axe a ñoowtoogu.

Esayi 59:17

O cofel oleene refu ndoki njelem ne no ngang um, soo a muc ale a ref o maxanda xire um. A rokooxa ndoki ndabdinoor ne soo a huloox o jaflax nen sabadoor.

Esteer 8:15

Mordokay a inoora maa no maad oxaa, a rokoox ndoki no maad naa xiiyiiyna, kene a ranig fo o ndip wurus o maak fo sabadoor njoor naa daalde’na. Muu refna kam teeru faa Suusaan xa ƈeel fo xa soroxole kaa njiboogu.

Esteer 5:1

No ñaal ndadkandeer ne no koor ne, Esteer a rokooxa toki no maad ke ten soo a ret no maax-kam olaa no mbind no maad ne, a jasnoor fo a ndok ale no uum le. O maad oxe kaa moof’u no uum-maamaad le ten, a jasnoor fo ndokand ne.

Esteer 4:2

Ye ta garna boo a jasnoor fo mbind no maad ne, a geenooxa, yaam o leng ci’’aand o rok teen, yaa ta derooxna o saaku.

Esteer 1:11

da ƥisiidin a Wasti, lingeer fee, ta rokooxiid o ndip no maad onqe ten. Kaa bug’u o lal kelfa ke fo lakas we nqureena ne lingeer fee a mositna, yaam kaa mos’u lool.

Esteer 1:3

No hiid o dadkandeer ole no maat um, a fi’ana kelfa ke fop fo dag we ndefna no maat um mbumbaay. A jeg’a teen aa-adax we no xiixire we fo wiin maak we fo gofornoor ke na xa cegel axe Persi fa Medi.

2 Maad we 1:8

A ndoonaan ee: «Ndoki ƭool a rokooxu, a saq o kumnoor ƭool no ndet um.» Maaga, o maad oxe a laya yee: «Kaaga de, Eliya fee genna Tisbi yoo!»

1 Maad we 10:5

fo xa tox axe ndiƈiidoogeena, o genand ole no dag we ten, o far ole fo a tokax ake no we njalanooguuna fo we topatooxoogna a yer ale ten, a ga itam sadax toxel ke Salomo a ɓoxotoogna kam Mbind ne no Yaal oxe. A dama o don

2 Sami’el 19:35

Barsilay a doonaan ee: «Daali maad, xar yoqɗoorateem no ñoow es, boo a taxkaa um yoon fa wo Yeerusaleem?

Mace 11:8

Ndi xar nu ƭeetik’u boog? Ndax o kiin oxaa rokooxna toki mosu nu ƭeetik’u? Kaa koy de, nuun moƴu o and ee we na ndokooxaa toki mosu owe no pind no maad ke.

YEGIL MBAAX NE YEESU ne Lik a bindtuuna 7:24

Yaa waa Saŋ a lul’ina a nqaadataa, Yeesu a refa no layaa wiin mayu waa no kaa farna na Saŋ ee: «Xar nu ƭeetik’u na koƥ-a-ƥor alaa? Ndax o siind olaa nqeñ ne a yo’naa nu ƭeetik’u?

YEGIL MBAAX NE YEESU ne Lik a bindtuuna 7:26

Layangaamoo ke nu ƭeetik’ina boog! Ndax o tuleer Roog nu ƭeetik’u? Ii, ndaa mexe layaa a nuun ee oxaa hupna o tuleer Roog sax oo.

YEGIL MBAAX NE YEESU ne Lik a bindtuuna 16:19

«A jeg’a o yaal halal oxaa rokooxoogna ndoki daalde fo sooy, too bes fuu refna kaa bumbaayoogu, a ñoowaa o ñoow o felu.