YEGIL MBAAX NE YEESU ne Lik a bindtuuna 7:22 - NQAARIIT NE ROOG

²² Yeesu a doona a den ee: «Ndetyo mbetandoox a Saŋ ke nu nga’na fo ke nu nanna. Fuul we owe nga’aa, ɓoof we a ñaaƴaa, we njegna a tik-a-maak ale a nqoolandeel, ram we a nanaa, xon we a nqontooxaa, soo Yegil mbaax ne a yegneel rool we.

YEGIL MBAAX NE YEESU ne Lik a bindtuuna 7:22 Referans Kwoze

YEGIL MBAAX NE YEESU ne Lik a bindtuuna 4:18

«Yiif le no Yaal oxe xe took es. Kaa ɗuumaam ndax um yegnik rool we Yegil mbaax ne, a lulaam ndax um yegin faɗ we a bat ale, yegin we mbuulna o ga ole, soo wokit we toroxandeena,

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

Mace 21:14

Fuul fo wiin waa na laƴaa, a matiida a Yeesu kam Mbind Roog naa, too a wodanda a den.

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

YEGIL MBAAX NE YEESU ne Lik a bindtuuna 7:21

Na waxtu faaga sax, Yeesu a reeƭa no wodandaa wiin mayu waa njir’ina fo waa xa ƭomel a ndamna fo waa cini a ndamna, soo a ga’nooraa fuul mayu.

Sofoni 3:12

Xam xaƴ me wo xeet fa neewandooxu fa ñaku doole, faa na bugko jaɓnooraa gon es, mi o Yaal oxe.

Yeremi 31:8

Nga’yo, xam nomtitiid a den no saax laa no ɓemb-roog o janoon, fokatit a den no cat ke no lanq ke. A ndeer den xan a jeg fuul fo ɓoof, rew waa mbudna fo waa na ngaajooxaa. Den fop, xan a nomtooxiid mene, a mbi faan maak.

Esayi 43:8

Sutiidi xeet feene mbuulna, ke da njegna a kid fop oo, a ndam, ke da njegna nof fop oo.

Esayi 42:16

Xam ñaaƴnoor fuul we na ƭat alaa da and’eerna, ɗox a den na qal akaa da mos’eerna o ndeef. Xam suptan a den o niɓaan ole a qoolaand, soo a qalnqaluuƈ ake, um fodrand a den. Keene refu ke um fadinkaa, too dakooxkiim teen a cinj.

A kim a tedu ke 146:8

O Yaal oxe kaa wetaa a kid no we mbuulna, a inaa we maafeena, a fex jofu we.

Ke bindeena no xe ne’eena YOB 29:15

Kaam reeƭu a ngid no puul oxe, ref a caf no ƥoof oxe.

A pi ake 8:7

Cini ke kaa sutooroogu no waa njir’ina, a mbuuqaa a maak, too mayu no waa ƥoofna fo no waa lafañna a mbod’a.

YEGIL MBAAX NE YEESU ne Saŋ a bindtuuna 1:46

Natana’el a foola, a layin ee: «Coo! Paax a waaga waag o inoor Nasaret?» Filip a doonaan ee: «Koo gari ga!»

Mace 11:5

Fuul we owe nga’aa, ɓoof we a ñaaƴaa, we njegna a tik-a-maak ale a nqoolandeel, ram we a nanaa, xon we a nqontooxaa, soo Yegil mbaax ne a yegneel rool we.

YEGIL MBAAX NE YEESU ne Lik a bindtuuna 7:23

Oxuu tolofkeerna yaam mi a ɗaaya.»