YEGIL MBAAX NE YEESU ne Lik a bindtuuna 7:19 - NQAARIIT NE ROOG

¹⁹ too a lul a den maa no Yaal oxe, ndax da laamtin ee: «Wo refu oxe warna o gar, ndi kaa i mbar o cung o lakas?»

YEGIL MBAAX NE YEESU ne Lik a bindtuuna 7:19 Referans Kwoze

YEGIL MBAAX NE YEESU ne Saŋ a bindtuuna 4:25

O tew oxe a layaan ee: «Andaam ee o Muumucil oxe regteena, too ta xoyeel Kiristaa fee, xan a gar. Yaa ta garkaa xan a xoolandan a in kuu refna.»

YEGIL MBAAX NE YEESU ne Lik a bindtuuna 10:1

Cinj kaaga, o Yaal oxe a jila daalbe qarɓeen ɓetuu ɗik [fo daalbe ɗik], soo a lul a den ɗik-ɗik, da adookin no teeru ke fo fop me ta narna o ret ten fa xoox um.

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

Safe le no tuleer AGE 2:7

Xam noot qeet ke fop, kalal ke den fop a ngariid no Mbind nene, um mayƭandin fo o ndam. Mi o Yaal oxe Hupna fop layun.

Mise 5:2

Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.

Esayi 11:1

Xan dugatin a sutoor no fanq le Isay, saqit a hat na paƴ um.

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

Yosuwe 2:1

Yosuwe fee o ƥiy Nun a lulta hoohorax ɗik no saŋe ne den Sitiim, a lay a den da ngorook na pet saax le Kanaan fa teeru fee Yeriko. Ye weene a mbadiidna Yeriko, a ndoka no mbind na caga laa ne’eena Rahab, ndax da mbe maaga.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

Mberaand 22:18

Qeet ke no lanq ke fop no xaa faqaqoorna na wo a mbarke’itkeel, yaam kaa o nananaam.»

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

Mbeeñil 11:3

Xam luliid seede ɗik we mi da njo’tanaxam, a ñaawoor xa saaku boo ñaal juni fo ñaal teemeed ƭik fo ñaal qarɓeen ɓetuu fa leng.»

Mark 6:7

Maaga, a xoya xarɓaxay fo ɗik we, a ref no lulaa a den ɗik-ɗik, a coox a den sañ-sañ took cini ke.

YEGIL MBAAX NE YEESU ne Lik a bindtuuna 7:13

Yeesu a ga’a o tew oxe, ta yuɗin, too a layaan ee: «Ba o lool!»

YEGIL MBAAX NE YEESU ne Lik a bindtuuna 7:20

Ye ngoor kaa a mbadiidna maa Yeesu, a layaan ee: «Saŋ o Paabatiise xe luliidu a in me wo, ndax i laamtong ee: ‹Wo refu oxe warna o gar, ndi kaa i mbar o cung o lakas›?»

YEGIL MBAAX NE YEESU ne Lik a bindtuuna 11:1

Bes, Yeesu a xeɗooga o mbiñ. Yaa ta ƴutna, o leng no daalbe waa ten a layaan ee: «O Yaal oxe, jangni a in ne i mbarna o nqeɗtaa, ne Saŋ a jangnituuna daalbe we ten.»

YEGIL MBAAX NE YEESU ne Lik a bindtuuna 11:39

Kaa koy, o Yaal oxe a layaan ee: «Nuun Farisiya we, kaa nu ƥogdaa took fee na tokol ale fo took fee no roon ole, too kam nuun kaa nu may fo kuuɗe fo coxod.

YEGIL MBAAX NE YEESU ne Lik a bindtuuna 12:42

O Yaal oxe a doonaan ee: «Jawdiin fum gore’u too a ƴiƴ boog, ndax o yaal mbind um a xaƴin fo wiin mbind um, ta cooxaa a den ñaamel, oxuu refna a las um, yaa waxtu fee a fadna?

YEGIL MBAAX NE YEESU ne Lik a bindtuuna 13:15

O Yaal oxe a doonaan a ƭelem akene yee: «Yememaar we nu ndefna ndef! Mee ndax na bes fee na ñootnax ale, oxuu refna na nuun kaa woktitaa naak um mbaat o faam um na sanqul um, a yernikin?

YEGIL MBAAX NE YEESU ne Lik a bindtuuna 17:5

Apootar we a laya o Yaal oxe yee: «Ɓaatani a in o ngim.»

YEGIL MBAAX NE YEESU ne Lik a bindtuuna 17:6

Maaga, o Yaal oxe a doona a den ee: «Nu njegangaa o ngim onqaa fodna nen o xonq seneew, nu mbaaga o lay ndaxar neeke yee: ‹Yoɗooxi too sipoox no maag ole›, too yaaga a nanankooga a nuun.

YEGIL MBAAX NE YEESU ne Lik a bindtuuna 18:6

O Yaal oxe a doona teen ee: «Nan-gilooxyo ke o kaahate o cofaƭaru xe a layna.

YEGIL MBAAX NE YEESU ne Lik a bindtuuna 19:8

Kaa koy, Sake a inooxa, a geenoox soo a lay o Yaal oxe yee: «O Caajangin oxe, we njegeerna dara, xam coox a den genwal fee na halal fee mi, too a soƥangaa yee naxaam o kiin, ñaam xaaliis um, xam daknin o ten kaa hupna boo a caf a nahak.»

YEGIL MBAAX NE YEESU ne Lik a bindtuuna 22:61

Maaga, o Yaal oxe a wiƈaqilooxa, a ɗeet a Piyeer. Piyeer a dalfooxa o wetandoox ke o Yaal oxe a lay’uuna yee: «A siik laykee xaye, too layiro boo a caf a tadak ee andiraamo.»

YEGIL MBAAX NE YEESU ne Lik a bindtuuna 24:34

«No ndigil, o Yaal oxe a xontooxa, too a feeñooxa a Simoŋ!»

YEGIL MBAAX NE YEESU ne Saŋ a bindtuuna 4:1

We mbugna o ndeef a Yeesu a ngara maa ten, ndax ta batiise a den. Kaa koy, refee yee Yeesu fa xoox um batiise’oogu, ndaa daalbe um. Neene, daalbe we Yeesu a moƴ’ata o may we Saŋ. Yaa Yeesu a yegna yee Farisiya we a nana keene, a inoora Yudee, soo a nomtoox Galile.

YEGIL MBAAX NE YEESU ne Saŋ a bindtuuna 6:23

No feet olaa, yaa suk lakas a inoortiidna Tiberiya, a ngar boo paam maa da ñaamit’ina puuru kaa ye o Yaal oxe a xeɗna boo a ƴut,

YEGIL MBAAX NE YEESU ne Saŋ a bindtuuna 11:2

Mbaambir naa, Mari feene o mat na yipkaa o Yaal oxe ƭuumooxel, soo a fortit a caf um wiil le ten. O camin um Lasaar o mat jir’u.