YEGIL MBAAX NE YEESU ne Lik a bindtuuna 7:16 - NQAARIIT NE ROOG

¹⁶ Wiin waa fop kaa ndiid’u no kaaga xew’ina, a simataa a Roog. Wene kaa layoogu yee: «O tuleer o maak a feeña a ndeer in», lakas we a ndamtin na «Roog a fudooxiida, ndax ta wat xeet um.»

YEGIL MBAAX NE YEESU ne Lik a bindtuuna 7:16 Referans Kwoze

YEGIL MBAAX NE YEESU ne Lik a bindtuuna 7:39

Yaa o Farisiya xe xoy’ina a Yeesu a ga’na kaaga, a laya taa no yiif um ee: «O kiin oxene a reeƭangaa o tuleer, a andkooga oxe o tew oxeeke na duqan a refna fo ke ta refna no wiin we. A andkooga yee o paabakaad oo.»

Mace 9:8

Yaa wiin waa a nga’na kaaga, diid a dama a den, too a ƥoxota a Roog o ndam, ten fee ci’na wiin we sañ-sañ fa mbodu neene.

YEGIL MBAAX NE YEESU ne Lik a bindtuuna 1:68

«O Yaal oxe Roog fee Isra’el a hela o simatel, no ke ta fudooxiidna, a watiid xeet um.

Yeremi 33:9

Gon siwu le Yeerusaleem xan a ref na mi o ɗaay, a ci’aam a simat fo o niwel a ndeer qeet ke no lanq ke fop na yegkaa paax ke um fi’ankan. Qeet ke xan a ndiid soo a send, yaa da nga’kaa baneex fee fa jam fee fop um ci’kaa a Yeerusaleem.»

YEGIL MBAAX NE YEESU ne Lik a bindtuuna 5:26

Wiin waa fop kaa njaaxiɗ’u, a simataa a Roog, too a ndiid. Kaa layoogu yee: «I nga’a xaye kaa a kid in a moseerna o ndoonoox!»

YEGIL MBAAX NE YEESU ne Lik a bindtuuna 2:20

Cinj kaaga, gaynaak waa a nomtooxa, a simataa a Roog, a ngidman, yaam ke da nan’ina fo ke da nga’’ina a refit’a ne da yegnit’eena o ten.

YEGIL MBAAX NE YEESU ne Lik a bindtuuna 1:65

We ngenna paam maaga fop a ndiida, too ke xew’ina kaa laytoogel took xa coong axe Yudee.

Mace 21:11

Wiin mayu a layooga yee: «Yeesu o Naanasaret oxe yoo, o tuleer oxe inoorna no jegel olaa Galile.»

Mace 15:31

Wiin waa fop a nga’a muum we a layaa, ɓoof we a mbod, fuul we a nga’aa. Keene a bet’a a den, too a simatooga a Roog fee Isra’el.

A kim a tedu ke 65:9

We ngenna na adna a ndiida boo no we no cat adna yaam xa anddiloor axe wo. Kaa o ƴeelnooraa wiin we fop, a xotit no batand boo no mudand.

A sutax ale 4:31

Maaga, a ngima. Ye Ii-isra’el we a andna yee o Yaal oxe a ɗeetiida a den, a ga coono den, a ngooknooxa soo a ngung a lanq.

Galati 1:24

Maaga, a simata a Roog yaam mi.

A pi ake 5:5

Yaa Anañaas a nanna fa lay faaga, a yena, too a ɓut. Waa nan-gilooxoogna fop a ndiida diid maak.

YEGIL MBAAX NE YEESU ne Saŋ a bindtuuna 9:17

A ndakooxa o laamit o puul oxe yee: «Wo o mat, xar layo no ten, wo fee ta wodandna?» A laya a den ee: «O tuleer oo.»

YEGIL MBAAX NE YEESU ne Saŋ a bindtuuna 6:14

Yaa wiin weene a nga’na o anddiloor ole Yeesu a fi’’ina, a layrooga yee: «Oxene o mat refu o Tuleer oxe warna o gar na adna.»

YEGIL MBAAX NE YEESU ne Saŋ a bindtuuna 4:19

Maaga, o tew oxe a layaan ee: «Ndik ee o tuleer refo yoo!

YEGIL MBAAX NE YEESU ne Saŋ a bindtuuna 1:25

A laamtaan ee: «A soƥangaa koy ee refiro Kiristaa fee, o Muumucil oxe regteena, refiro Eliya, refiro o Tuleer oxe, ñaal o yeng a jalan xar taxu o batiise’aa?»

YEGIL MBAAX NE YEESU ne Saŋ a bindtuuna 1:21

A ndakooxaan o laamit ee: «O refangee Kiristaa fee, andum wo refu Eliya.» A laya yee: «Ha’aa, refinum.» A laamtan ee: «Ndax wo refu o Tuleer oxe?» A weera na: «Ha’aa.»

YEGIL MBAAX NE YEESU ne Lik a bindtuuna 24:19

Yeesu a laamta yee: «Xar ee?» A ndoonaan ee: «Ke xewna na Yeesu o Naanasaret oxe, reeƭna o tuleer o cegu sañ-sañ na pi fo na fa lay mbaambir Roog fo mbaambir xeet fee fop.

YEGIL MBAAX NE YEESU ne Lik a bindtuuna 9:19

A ndoonaan ee: «Leng we kaa layaa yee Saŋ o Paabatiise xe, lakas we a layaa yee Eliya. A jega itam lakas waa na layaa yee o leng no duleer we yaaga xontooxu.»

YEGIL MBAAX NE YEESU ne Lik a bindtuuna 8:37

Yaa waa no saax laa no Geegerasin we a nanuuna, a nqetooxiida a Yeesu, soo a nqeɗooxin ndax ta sutoox saax den, yaam kaa ndiid’u lool. Cinj kaaga, Yeesu a roka no suk, ndax ta nomtoox.

YEGIL MBAAX NE YEESU ne Lik a bindtuuna 5:8

Yaa Simoŋ Piyeer a ga’na kaaga, a naaga giriƥriƥ, a gooknoox paam Yeesu, too a lay ee: «O Yaal oxe, goƭaam yaam o paabakaad refum.»

Mace 28:8

A ndalfooxa o ndiƈatoox a mboy alaa, a ndiid, too a ƭaay itam. A ƈufa, a yegnikin daalbe um.

A pi ake 7:37

Moyiis feene o mat lay’ahinu xeet fee Isra’el ee: ‹Xan Roog a sutan a nuun a ndeer no fog nuun o tuleer oxaa nandna fa mi.›

YEGIL MBAAX NE YEESU ne Lik a bindtuuna 19:44

Xan a ngefong tuƈ, a saŋik we ngenna me wo, too nqaƴkee na wo muul leng took gend um, yaam andiro waxtu fee xalatooxiidee’oona.»

A cangatin ale 18:15

O Yaal oxe Roog nuun xan a sutan a nuun a ndeer no fog nuun o tuleer oxaa nandna fa mi, too fat nu nan-gilooxin.

YEGIL MBAAX NE YEESU ne Lik a bindtuuna 7:15

Ndak fo ndak, o qon oxe a inooxa a moof, soo a dalfoox o layaa. Yeesu a ɓoxotaan a ya um.