YEGIL MBAAX NE YEESU ne Lik a bindtuuna 7:13 - NQAARIIT NE ROOG

¹³ Yeesu a ga’a o tew oxe, ta yuɗin, too a layaan ee: «Ba o lool!»

YEGIL MBAAX NE YEESU ne Lik a bindtuuna 7:13 Referans Kwoze

Esayi 63:9

Kam naqad den fop, refee oxaa luleena mbaat malaaka, ndaa mukit um sax sax muclu a den. Ten fa xoox um a wata a den no mbeq um fo na yirmande um. A meeɓa a den soo a gadoox a den no ñaal ke yaaga fop.

A kim a tedu ke 103:13

Ne faap a jegitna yirmande na xa ƥeem, neene o Yaal oxe a jegtu yirmande no we saɗaruuna,

Hebre 4:15

O saasadax o maak oxe i njegna waagee ñak o xij fa in no neew doole in. O saasadax o maak oxe in a ɗeetlooxe no kuu refna nen a in, ndaa mosee o yen na bakaad.

A kim a tedu ke 86:15

Wo o Yaal oxe o mat, Roog fa mayu yirmande refo, yaaj kam, muñantaa, may fo o mbeq fo ngor.

YEGIL MBAAX NE YEESU ne Lik a bindtuuna 8:52

Wiin we fop kaa looloogu, a mbaɗooxaa yaam o ƥiy o ndoog onqe. Maaga, Yeesu a laya a den ee: «Ba nu loolat, yaam xonee, kaa ɗaanaa soom.»

Yeremi 31:20

O Yaal oxe kaa tee: «Ndax Efrayim kaa refee o ƥees onqe fexuuma fex, o njaaƈ onqe na ɗaaynooraxam? Nuu um maaltan, kupun moƴanum o wetandooxaa. Ten taxu kam es a dala no ten, um yirmin tigi.»

A kim a tedu ke 86:5

Wo o Yaal oxe, kaa o faax soo yaaj kam, may fo o mbeq no fop we na ƈufginooxang.

Hebre 2:17

Ten taxu a wara o nandat fo xa teɓ um, ndax ta ref o saasadax o maak den o kore’u, a may fo o paaxel no calel um paam Roog. Kaa fi’in, ndax ta ñuf a qaw ale na xeet fee yaam pakaad den.

YEGIL MBAAX NE YEESU ne Saŋ a bindtuuna 20:15

Yeesu a layaan ee: «Tew oxe, xar taxu o loolaa? An o waaƭaa?» Mari kaa foog’u yee oxe na yetooxaa a ƭing ale me poy ke a ndefna yoo. Neene a layaan ee: «Yaal mbind! A soƥangaa yee wo ɗasnun, layaam me doonanoona, ndax um xotin.»

Mark 8:2

«Wiin wene kaa yuɗaam lool, yaam ñaal tadik key kaa da ndefna a paam es, too njegatee tus kaa da ñaamna.

Haahate we 10:16

Maaga, Ii-isra’el we a mbatna roog can ke a ndeer den soo a ndagooxataa o Yaal oxe waag’ateerna o muñ coono ke den.

YEGIL MBAAX NE YEESU ne Saŋ a bindtuuna 11:2

Mbaambir naa, Mari feene o mat na yipkaa o Yaal oxe ƭuumooxel, soo a fortit a caf um wiil le ten. O camin um Lasaar o mat jir’u.

YEGIL MBAAX NE YEESU ne Lik a bindtuuna 24:34

«No ndigil, o Yaal oxe a xontooxa, too a feeñooxa a Simoŋ!»

YEGIL MBAAX NE YEESU ne Lik a bindtuuna 17:5

Apootar we a laya o Yaal oxe yee: «Ɓaatani a in o ngim.»

1 Korint 7:30

we ndefna na xa kooniit, a mbi nen looleer, we njegeerna baneex, a mbi nen waa na mbelakinooxaa, we na njikaa a mbi nen jegeer,

YEGIL MBAAX NE YEESU ne Saŋ a bindtuuna 20:13

A laya a Mari yee: «Ndi tew oxe, xar taxu o loolaa?» A doona a den ee: «Kaa o Yaal es a guuɗel, too andiim me da ƥisuuna.»

YEGIL MBAAX NE YEESU ne Lik a bindtuuna 13:15

O Yaal oxe a doonaan a ƭelem akene yee: «Yememaar we nu ndefna ndef! Mee ndax na bes fee na ñootnax ale, oxuu refna na nuun kaa woktitaa naak um mbaat o faam um na sanqul um, a yernikin?

YEGIL MBAAX NE YEESU ne Lik a bindtuuna 10:1

Cinj kaaga, o Yaal oxe a jila daalbe qarɓeen ɓetuu ɗik [fo daalbe ɗik], soo a lul a den ɗik-ɗik, da adookin no teeru ke fo fop me ta narna o ret ten fa xoox um.

YEGIL MBAAX NE YEESU ne Lik a bindtuuna 7:19

too a lul a den maa no Yaal oxe, ndax da laamtin ee: «Wo refu oxe warna o gar, ndi kaa i mbar o cung o lakas?»

1 Tesalonik 4:13

Fog we, i mbuga o andnoor a nuun kaa farna no we nqonna, yaam ndik nu naqadilooxaa nen lakas we njegeerna yaakaar.

YEGIL MBAAX NE YEESU ne Lik a bindtuuna 22:61

Maaga, o Yaal oxe a wiƈaqilooxa, a ɗeet a Piyeer. Piyeer a dalfooxa o wetandoox ke o Yaal oxe a lay’uuna yee: «A siik laykee xaye, too layiro boo a caf a tadak ee andiraamo.»

YEGIL MBAAX NE YEESU ne Lik a bindtuuna 7:12

Yaa Yeesu a faambnooxiidna saate faa, a ga’a waa saqna o dal, a ƥisan no poy kaa. O ƥiy o leng no tew oxaa ñaawooxoogna a reeƭu, too wiin mayu waa ngenna na saate faa a ndeeƭa fo ten maaga.

YEGIL MBAAX NE YEESU ne Lik a bindtuuna 7:14

A matiida o dal ole, a duqin, too we saq’uuna a ndalfooxa o ngeenoox. Maaga, Yeesu a laya yee: «O fes ole, mexe layang o ten, inooxi!»

YEGIL MBAAX NE YEESU ne Lik a bindtuuna 11:1

Bes, Yeesu a xeɗooga o mbiñ. Yaa ta ƴutna, o leng no daalbe waa ten a layaan ee: «O Yaal oxe, jangni a in ne i mbarna o nqeɗtaa, ne Saŋ a jangnituuna daalbe we ten.»

YEGIL MBAAX NE YEESU ne Lik a bindtuuna 11:39

Kaa koy, o Yaal oxe a layaan ee: «Nuun Farisiya we, kaa nu ƥogdaa took fee na tokol ale fo took fee no roon ole, too kam nuun kaa nu may fo kuuɗe fo coxod.

YEGIL MBAAX NE YEESU ne Lik a bindtuuna 12:42

O Yaal oxe a doonaan ee: «Jawdiin fum gore’u too a ƴiƴ boog, ndax o yaal mbind um a xaƴin fo wiin mbind um, ta cooxaa a den ñaamel, oxuu refna a las um, yaa waxtu fee a fadna?

YEGIL MBAAX NE YEESU ne Lik a bindtuuna 17:6

Maaga, o Yaal oxe a doona a den ee: «Nu njegangaa o ngim onqaa fodna nen o xonq seneew, nu mbaaga o lay ndaxar neeke yee: ‹Yoɗooxi too sipoox no maag ole›, too yaaga a nanankooga a nuun.

YEGIL MBAAX NE YEESU ne Lik a bindtuuna 18:6

O Yaal oxe a doona teen ee: «Nan-gilooxyo ke o kaahate o cofaƭaru xe a layna.

YEGIL MBAAX NE YEESU ne Lik a bindtuuna 19:8

Kaa koy, Sake a inooxa, a geenoox soo a lay o Yaal oxe yee: «O Caajangin oxe, we njegeerna dara, xam coox a den genwal fee na halal fee mi, too a soƥangaa yee naxaam o kiin, ñaam xaaliis um, xam daknin o ten kaa hupna boo a caf a nahak.»

YEGIL MBAAX NE YEESU ne Lik a bindtuuna 24:3

A ndoka kam fee, ndaa soƥee maaga o dal ole no Yaal oxe Yeesu.

YEGIL MBAAX NE YEESU ne Saŋ a bindtuuna 4:1

We mbugna o ndeef a Yeesu a ngara maa ten, ndax ta batiise a den. Kaa koy, refee yee Yeesu fa xoox um batiise’oogu, ndaa daalbe um. Neene, daalbe we Yeesu a moƴ’ata o may we Saŋ. Yaa Yeesu a yegna yee Farisiya we a nana keene, a inoora Yudee, soo a nomtoox Galile.

YEGIL MBAAX NE YEESU ne Saŋ a bindtuuna 6:23

No feet olaa, yaa suk lakas a inoortiidna Tiberiya, a ngar boo paam maa da ñaamit’ina puuru kaa ye o Yaal oxe a xeɗna boo a ƴut,

YEGIL MBAAX NE YEESU ne Saŋ a bindtuuna 11:3

Mari fa Marta a lulta maa Yeesu yee: «O Yaal oxe, oxe fexoona, oxaa jira.»