YEGIL MBAAX NE YEESU ne Lik a bindtuuna 7:12 - NQAARIIT NE ROOG

¹² Yaa Yeesu a faambnooxiidna saate faa, a ga’a waa saqna o dal, a ƥisan no poy kaa. O ƥiy o leng no tew oxaa ñaawooxoogna a reeƭu, too wiin mayu waa ngenna na saate faa a ndeeƭa fo ten maaga.

YEGIL MBAAX NE YEESU ne Lik a bindtuuna 7:12 Referans Kwoze

YEGIL MBAAX NE YEESU ne Lik a bindtuuna 8:42

yaam o ƥeem o ndew onqaa jeg’ina xa kiid xarɓaxay fo xa kiid xa ƭaq kaa meeñoogu. Yaa Yeesu a inooxna a retaa, wiin mayu a ƥiikloogaan.

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.

A pi ake 9:41

Piyeer a cooxaan o ɓay, soo a geennin. Cinj kaaga, a xoya gimu we fo ñaaw we itam, soo a lal a den o tew oxe na ñoowatinaa.

A pi ake 9:39

Piyeer a naaga daket a inoox, a yoon fa den. Ye da mbadiidna, a ƥisaan na ndok-took alaa. Ñaaw we fop kaa mbid’un o kurul-keƥ, a ndef na xa lool, a lalan sabadoor ke fo xa porok axe Dorkas a ɗiisoogna ye ta refaa fa den.

YEGIL MBAAX NE YEESU ne Saŋ a bindtuuna 11:19

Ten tax’u Yaawuur mayu a ngara, a njaapiid a Marta fa Mari o camin den oxe ñakna.

YEGIL MBAAX NE YEESU ne Lik a bindtuuna 8:52

Wiin we fop kaa looloogu, a mbaɗooxaa yaam o ƥiy o ndoog onqe. Maaga, Yeesu a laya a den ee: «Ba nu loolat, yaam xonee, kaa ɗaanaa soom.»

Sakari 12:10

Maaga, xam fudin took mbind Dawid fo took lakas we ngenna Yeerusaleem fop yiif yirmande fo a qeƭax. Xan a ndaxaaƴooxaam, mi fee da ndibna. Xan a mboygooxin ne o kiin a foygoortaa fa ñak no ƥiy o leng kut onqe ta jegna. Kaam ee xan a mboygooxin tigi ne taaw fa nqonu a foygoorteel.

Ke bindeena no xe ne’eena YOB 29:13

O toroxu xe kaa salanoogaam barke, o ñaaw oxe, um mayƭand xeeñ um fo o ɗaay.

2 Maad we 4:20

Surga faa a ɓisiida o goor ole me ya um. O tew oxe a ɓopaan boo waxtu njeeƈ ndeer xoox, soo o goor ole a xon.

2 Maad we 4:16

Eliise a laya o tew oxe yee: «Neeke mbaan, xan a soƥ o waxooxaa o ƥiy o ngoor.» O tew oxe a doonaan ee: «Ha’aa, o yaal es, wo fee o kiin Roog, ba o pirtaam a liim, mi fee o ceefeer of.»

1 Maad we 17:23

Eliya a janga o goor ole, a fudoortiid fo ten na ndok-took alaa, a ɓoxotin a ya um too a lay ee: «Ga’i, o ƥeef oxe ñoowaa.»

1 Maad we 17:18

O yaal mbind o tew oxaa a ñofa o laamit a Eliya yee: «Xar i ndeeru, wo o kiin Roog oxe? Kaa o xalatooxiidaam ndax o wetand a Roog tooñ es boo a tax o ƥees a xon neeke?»

1 Maad we 17:12

O tew oxaa a doonaan ee: «Ne ta wooritna yee o Yaal oxe Roog of oxe ñoowaa, neene a woortu yee saqiim dara kaa ɓelna, a refangee o ɓay mbiɗel kam o njak fo o ndaag diwliin kam o fal. Ndiiki koy, kaam kaflooxaa fo njeɓ fo leng-leng boo ret jawankin o ƥees fa mi, i ñaamin, cinj kaaga i nqonik.»

1 Maad we 17:9

«Naagi daket, genik Sarepta fogna no jegel olaa Sidoŋ. Heblaam o ñaaw maaga, ndax ta ñoowdandang.»

2 Sami’el 14:7

Naaga we mbogna na qaw ale fop kaa inooxanaam, mi fee o ceefeer of, a layaxam ee: ‹Ɓoxoti a in oxe warna o ndeɓ um, boo i mbarin, in meen o laalam oxe.› A mbi’angaan, xan a tas o yaakaar onqe yoqiɗ’uuma, soo um ñak o kor es, ñak xa taan axaa na ñoowdandkaa gon um.»

Mberaand 22:12

Malaaka fee a layaan ee: «Ba o ɓay of a fad no goor ole, too ba o fi’in dara! Ndiiki koy andaam tigi yee saɗaraa a Roog, too xañiraamo o ƥeef o leng kut onqe jegoona.»

Mberaand 22:2

Roog a layaan ee: «Jangi o ƥiy o leng kut onqe jegoona, Isaak fee fexoona fex, o ret no saax laa Moriya ɓoxotin maaga, nen sadax fa ndoxel took o leng na xa coong axe um lalkang.»

YEGIL MBAAX NE YEESU ne Lik a bindtuuna 7:11

Na pe akaaga, Yeesu a reta na saate faa ne’eena Nayin, too daalbe we ten fo wiin mayu a ndeefanaan.

YEGIL MBAAX NE YEESU ne Lik a bindtuuna 7:13

Yeesu a ga’a o tew oxe, ta yuɗin, too a layaan ee: «Ba o lool!»