YEGIL MBAAX NE YEESU ne Lik a bindtuuna 6:8 - NQAARIIT NE ROOG

⁸ Kaa koy, Yeesu a anda ke refna a qalaat den, too a laya o koor oxaa o ɓay um a xar’ina yee: «Inooxi, geenoox a ndeer den.» Naaga, a inooxa, a geenoox a ndeer den.

YEGIL MBAAX NE YEESU ne Lik a bindtuuna 6:8 Referans Kwoze

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

Mace 9:4

Kaa koy, Yeesu a anda a qalaat den, too a laya a den ee: «Xar taxu nu njeg a qalaat a paaxeer na yiif nuun?

1 Piyeer 4:1

Ne Kiristaa a coono’itna no cer ke boog, nuun itam, saƭkityo neene, yaam oxe coono’na no cer um, a ƴutoora fa bakaad.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

Filip 1:28

Baa we nu ngomritaa a ndiidland a nuun. O ñak o diid nuun kaa lalit ee na saŋkax a ndefu, a lalit ee nuun o mat, nuun we na muc. Keene koy na Roog a hatu,

A pi ake 26:26

O maad Agiripa a anda ke um layaa, too saɗaam o geenoox mbaambir um layin. A wooraxam itam ee dara teen kunpa’iran, yaam dara teen fi’aand na pet.

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

YEGIL MBAAX NE YEESU ne Saŋ a bindtuuna 21:17

A dakooxa o laamit jaf dadkandeer ee: «Simoŋ, o ƥiy Yoona, ndax fexaxamo?» Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee: «O Yaal oxe, dara kunpa’irang. Andaa xil ee fexaaxoong.» Yeesu a layaan ee: «Topatooxi paal es.

YEGIL MBAAX NE YEESU ne Saŋ a bindtuuna 9:4

Ye i maadna o ndefaa no ñaal, kaa i mbar o mbi calel ke no xe luliidaxama, yaam o yeng faambre, too a fadiidangaa, dara daawankataand.

YEGIL MBAAX NE YEESU ne Saŋ a bindtuuna 2:25

Soxla’ee itam o leng a seede’an o kend um, yaam o ten fa xoox um a anda ke refna no kiin oo kiin.

YEGIL MBAAX NE YEESU ne Lik a bindtuuna 5:22

Kaa koy, Yeesu a anda a qalaat den, too a laya a den ee: «Xar taxu nu njeg a qalaat akeene na yiif nuun?

Esayi 42:4

Ƥoñkee too patooxkee boo yaa ta dalinkaa o cofel na adna fee. A pimb ake kaa cungaa a cangin um.»

A kim a tedu ke 44:21

Boo i mbeecit’ina gon of, wo fee Roog in, mbaat i letin xa ƥay in a roog fa lakas,

Ke bindeena no xe ne’eena YOB 42:2

Andataam ee waagaa fop, too ke yuuɓoona xoxirang o fadnel.

1 Caloori ke 29:17

Wo Roog es, andaam ee kaa o horooxaa a qeeñ ake fop soo fex o cofel. Fi’anaaxoong boog ci’it ke mi no fud o letu kam o cofel ole no xeeñ es, too ga’aam xaye fo o ɗaay xeet of feeke ndefna fa mi a mbi’anong leng kut ke fi’uuma.

1 Caloori ke 28:9

Wo Salomo fee o ƥees koy, andi a Roog fee na faap of too dagoortin xeeñ letu fo yiif jagandooxu, yaam o Yaal oxe kaa ɓaalaa a qeeñ ake fop, soo a jaqtaa a qalaat ake fop. O waaƭangaan, xan a ga’nooxong, ndaa o xaƴangaan xan a deɓong boo kili.

YEGIL MBAAX NE YEESU ne Lik a bindtuuna 6:9

Yeesu a laya a den ee: «Kaam laamtaa a nuun: Xar a ƭat ale in a simtu? O fi paax na bes fee na ñootnax ale ndi o fi paaxeer? O mucil o kiin ndi o saŋkin?»

Mark 3:3

Yeesu a laya o yaal o ɓay o xaru le yee: «Inooxi a ndeer den.»

YEGIL MBAAX NE YEESU ne Lik a bindtuuna 13:12

Yaa Yeesu a ga’uuna, a xoyaan, too a layin ee: «Tew oxe, jir of a woda.»