YEGIL MBAAX NE YEESU ne Lik a bindtuuna 6:6 - NQAARIIT NE ROOG

⁶ Na bes a ñootnax a lakas, Yeesu a roka kam mbind a qeƭ naa, a jangnaa. A soƥa maaga o koor oxaa o ɓay um o ñamaak a xarna.

YEGIL MBAAX NE YEESU ne Lik a bindtuuna 6:6 Referans Kwoze

YEGIL MBAAX NE YEESU ne Saŋ a bindtuuna 5:3

A jeg’a wiin jiru mayu waa mbondooxna ɗuga jibir faaga: Fuuliin, xaruyiin, ɓoofiin. [Oxuu refna na den kaa cungoogu yaa foofi le a yo’nooxkaa,

YEGIL MBAAX NE YEESU ne Lik a bindtuuna 4:31

Yeesu a reta na teeru faa Kapernawum no jegel olaa Galile, a ref no jangnaa na bes fee na ñootnax ale.

YEGIL MBAAX NE YEESU ne Lik a bindtuuna 4:16

Yeesu a fadiida na teeru faa Nasaret maa ta yarooxna. Na bes fee na ñootnax ale, a roka kam mbind a qeƭ naa ne ta mer’ina o fi’aa. Maaga, a inooxa ndax ta jang a maak.

Mace 4:23

Yeesu a widooga Galile fop, too a jangnaa kam pind a qeƭ kaa den. A waare’ooga Yegil mbaax ne no Maat ne na asamaan. A wodandooga jir luu refna fo o ƭomel oluu dam’ina wiin waa.

YEGIL MBAAX NE YEESU ne Saŋ a bindtuuna 9:16

Naaga, leng-leng no Farisiya waa a laya yee: «Oxe fi’na keene hatee na Roog, yaam a ƭat um yongee na bes fee na ñootnax ale.» Lakas na den a laya yee: «Ndi nam o paabakaad a waagu o fi’it xa anddiloor xa nandu neene?» Ñimatir maak a jega a ndeer den.

YEGIL MBAAX NE YEESU ne Lik a bindtuuna 14:3

Yeesu a laamta jaajangin waa no kebil kaa fo Farisiya waa yee: «Ndax o kiin a waaga o wodand na bes fee na ñootnax ale?»

YEGIL MBAAX NE YEESU ne Lik a bindtuuna 13:10

Na bes fee na ñootnax ale, Yeesu a jangnooga kam mbind a qeƭ.

YEGIL MBAAX NE YEESU ne Lik a bindtuuna 6:1

Na pe akaaga, a jopir bes fee na ñootnax ale, Yeesu a xaaña kam xa qol bele. Daalbe we ten a ƥola teen, a ndef no ƈaxaa a den.

1 Maad we 13:4

Ye Yerobowam a nanna fa lay fee o kiin Roog oxe a falaloox’ina o sadaxand ole Betel, a letnita o ɓay um took o sadaxand ole ta reeƭna, a lay ee: «Ndameenoo!» Maaga, o ɓay ole Yerobowam a letin’ina farna fo ten a dalfooxa o xar boo waagatiran o nomtiid.

Sakari 11:17

Sabab took no kaynaak o caree tus oxe na fesaa paal um a cinj! Yaasam laƥ a god a naax um soo a yul a ngid um a ñamaak! Kaam ee yaasam a naax um a yeroox, a ngid um a ñamaak a cus!

YEGIL MBAAX NE YEESU ne Lik a bindtuuna 6:5

Cinj kaaga, a laya a den ee: «O Ƥeenqe no kiin oxe refu oxe hame’na bes fee na ñootnax ale.»