YEGIL MBAAX NE YEESU ne Lik a bindtuuna 6:49 - NQAARIIT NE ROOG

⁴⁹ Oxe na nanaa fa lay es koy too reefiran, kaa nand fo o koor oxaa sinjna mbind um kam mbuuƴ ne, too adnaniran a ƥil. Ye ndiig ne a garna, a qaandiind ake fo a und ake a ngoma mbind ne ta yen, too njom ne a magna lool.»

YEGIL MBAAX NE YEESU ne Lik a bindtuuna 6:49 Referans Kwoze

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

Mace 23:3

Mbi’yo too ngay ke da layaa a nuun, ndaa ba nu mbi ke da mbi’aa, yaam kaa layaa too mbi’kee.

Xa peƭit axe 28:18

Oxe na ñaaƴaa no cofel xan a gen no woor, oxe na ceek-ceeknaa na ƭat a ƭak o mat kaa yenaa na leng na den.

1Saŋ 2:19

Kam in a sutooru, ndaa mbog’ee na in, yaam a mbog’angaa na in tigi, a yoqkooga fa in. Keene a xewa, ndax ta woor a in ee fop mbogee na in.

YEGIL MBAAX NE YEESU ne Saŋ a bindtuuna 15:2

O par oluu saxna na mi, soo a fañ o rim, xan a ɗegin. Oluu na rimaa teen koy, xan a calasin, ndax ta moƴ o rim.

YEGIL MBAAX NE YEESU ne Lik a bindtuuna 12:47

O paɗ oxe andna ke o yaal mbind um a bugna, soo a fañ o jagandoox mbaat ta fañ o fi ke o yaal mbind um a bugna, na moƴkeel o xaw.

YEGIL MBAAX NE YEESU ne Lik a bindtuuna 6:46

«Xar taxu nu nqoyaxam ee o Yaal oxe, o Yaal oxe, too nu naangee o mbi’aa ke simtuuma?

Mark 4:17

ndaa njegee a paƴ na den sax sax. Kaa ndef wiin damlooxeer, too koy boo andoona yee o njaaxɗataan mbaat ñagadil a ngara yaam fa lay fee Roog, a naangaan o ndalfooxaa o mbes a cinj.

2 Piyeer 2:20

A sutooxa no ke waagna o yaq cer na adna fee, yaam a and o Yaal in fo o Muumucil in Yeesu Kiristaa. A nomtooxangaa teen boo keene a hupat a den doole, xan a moƴat o mbaaxaƭar ne da nand’ina peraand.

1 Tesalonik 3:5

Ten taxu, ye waag’ateeranuuma o muñ, luliidaam a Timote me nuun, ndax ta feednaam o ngim nuun, yaam kaam saɗaroogu yee xan o poofoog oxe a nax a nuun boo calel ƭomu in a ndef kasaara.

A pi ake 26:11

Leek-leek kaam xawnooroogu a den kam pind a qeƭ ke, too jeemaa o ser a den da mbaas o ngim onqe da njeg’ina. Um fuux’angaa boo buɓaa yaam a ƭat ale den, kaam ñagadiloogu wiin weene boo suur no teeru can.»

A pi ake 20:29

Andaam o mat ee um retangaa, xan a jeg a cinj es xa moon xa kiihiin xa saɗarnooxu axaa ƥerexiidna kam nuun, a mbaaƭaa maa da salaxitna o siir ole.

YEGIL MBAAX NE YEESU ne Lik a bindtuuna 19:27

Fañ we mi koy mbugeerna um maadoox took den, ƥisiidaamoo a den mene, too mbar a den mbaambir es.› »

YEGIL MBAAX NE YEESU ne Lik a bindtuuna 19:14

Kaa koy, we ngen’ina fo ten kaa sib’un, too a lula wiin a cinj um, ndax da lay ee: ‹I mbugee oxene a dodel o maad in.›

Mace 24:10

Xan mayu a mbes o ngim onqe a cinj, too xan a ngodir. Wiin we kaa mbugko sibraa a ndeer den.

Hoose 4:14

Jambkiim xa ƥiy xa tew axe nuun yaam ne da njaga’aa mbaat seemir we nuun yaam ne da seeqaa, yaam goor we fa qoox den na mbootkaa fo a caga ke, a sadaxtaa fo rew we kesaneena njaga ne nu ƭeetaa nen tedu, ne o feƭit oleeke a laytuuna yee: ‹Xeet fee jegeerna o and kaa mo.›

YEGIL MBAAX NE YEESU ne Lik a bindtuuna 6:48

Oxeene kiin kaa nand fo o koor oxaa waqna boo ta xooɗ, ta sinj mbind um took ɓil. Ye ndiig ne a garna, a qaandiind ake fo a und ake a ngoma mbind ne, ndaa yenee, yaam no ɓil a sinje.

YEGIL MBAAX NE YEESU ne Lik a bindtuuna 7:1

Yaa Yeesu a ƴutna waare faaga mbaambir no wiin mayu waa nan-gilooxooguuna, a reta Kapernawum.