YEGIL MBAAX NE YEESU ne Lik a bindtuuna 6:48 - NQAARIIT NE ROOG

⁴⁸ Oxeene kiin kaa nand fo o koor oxaa waqna boo ta xooɗ, ta sinj mbind um took ɓil. Ye ndiig ne a garna, a qaandiind ake fo a und ake a ngoma mbind ne, ndaa yenee, yaam no ɓil a sinje.

YEGIL MBAAX NE YEESU ne Lik a bindtuuna 6:48 Referans Kwoze

A kim a tedu ke 62:2

Na Roog soom o laaw es a yaadoortaa, no ten a muc es a inooraa.

Esayi 28:16

Ten taxu, keeke o Yaal oxe na refkaa boo faw a layu: «Mexey doonaa kam Siyoŋ ɓil fer laa ɗeetlooxeena, ɓil jafeñu laa jaƭna kooñ ne, a saƭik fer. Oxuu hoolooxuuna, xan a saƭik.

Yudaa 1:24

Roog oxe refna o leng, a ref o Muumucil in na pexey o Yaal in Yeesu Kiristaa, ten soom waagu o saytoox a nuun no njom nuu refna. O ten waagu o geenin a nuun itam no ndam um, nu ñak sik, ndef no ɗaay o maak. Yaasam ta ɓoxotel o ndam fo maat fa doole fa sañ-sañ no kaa xotitna no mberaand naa, a gar ndiiki bo na moos boo moos! Amiini.

Esayi 26:4

Ngoolooxyo o Yaal oxe boo kili, yaam o Yaal oxe refu ɓil le na refkaa boo faw.

Efees 2:20

Kaa nu maxel no tabax ne apootar we fo duleer we a mberna, too Kiristaa Yeesu fa xoox um a ref ɓil fer le.

1Saŋ 2:28

Ndiiki koy, xa teɓandoong es, ngenyo no ten, ndax nu njeg njambaar, yaa ta feeñkaa, soo ñak o sed, yaa ta garkaa.

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

A kim a tedu ke 32:6

Ten taxu gore’u we fop a nqeɗang, yaa da njaqna. Boo poofi mayu ke a mbalna, ndaawkee a den muk.

2 Sami’el 22:32

An refu Roog boog, a refangee o Yaal oxe? An refu ɓil jaɓnooxand le, a refangee Roog in?

Xa peƭit axe 10:25

A und ale oxaay waanaa o soxodu xe a mooc, o cofu xe mat a per ake ten kaa ndef boo faw.

2 Sami’el 22:47

O Yaal oxe xe ñoowaa! Fat oxe refna ɓil es a simatel, Roog fee refna ɓil le na muc es a ɓoxotel o ndam!

Esayi 59:19

Neene, xan gon le no Yaal oxe a saɗarel no mudand, soo o ndam um a niwel no batand, yaa ta fadiidkaa nen a ƈufnand a paŋe laa a und a balinna.

2 Piyeer 1:10

Ten taxu fog es, ngoorgoorlooxa­hinyo, ndax nu saƭik no xoy ole Roog a xoyna a nuun fo na cil ale ta jilna a nuun, yaam nu mbi’angaan, nu yenkee muk.

A pi ake 14:22

A ndif’ooga a qeeñ ake no daalbe we, a saƭakinaa a den da sax no ngim onqe, too a layaa a den ee: «Kaa i mbar o ngom coono mayu, soo ndokkaa no Maat ne Roog.»

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

Nahum 1:8

Kaa koy, xan a saŋkit we mbinqqoorna fo ten o jaɓ ole, a daab fañ we ten boo da nqaad jaaniif.

A kim a tedu ke 95:1

Ngaryo i ƈeelan o Yaal oxe, soroxole’an ɓil le na muclaa a in.

2 Sami’el 22:5

A yag-ee-yag ake na fa nqon fee kaa ndeer’aam, soo a qayaandiin a yaayaq ake a ndiidlandaxam.

A cangatin ale 32:15

Xeet fee no Yaal oxe a naagata naluƈ soo a ñak o njek. Isra’el kaa giñat tem, a magin, a jegat cer soo a xaƴ a Roog fee o saasak um, a xeef ɓil le na muc ale ten.

2 Sami’el 23:3

Roog fee Isra’el a laya, ɓil le Isra’el a layaxam ee: «Oxe kelfa’na wiin we fo o cofel soo a maadoortaa o saɗar a Roog

2 Sami’el 22:2

A laya yee: O Yaal oxe, wo refu ɓil es, saŋe es fo o baawat es.

1 Sami’el 2:2

O leng fodee fo o Yaal oxe o tedel. Ten doŋ refu ndaɗand in, too fa lakas jegee a refangee ten.

A cangatin ale 32:31

Fañ we in sax a anda yee roog den nandee fa fee in, refna ɓil jegu doole.

A cangatin ale 32:18

Nu ndeɓa ɓil le rimnoorna a nuun, mbeecit a Roog fee ci’na a nuun o ñoow.

YEGIL MBAAX NE YEESU ne Lik a bindtuuna 6:47

O kiin oxe na nan-gilooxaa fa lay es too a reefan, xam lal a nuun oxe ta nanditna.

YEGIL MBAAX NE YEESU ne Lik a bindtuuna 6:49

Oxe na nanaa fa lay es koy too reefiran, kaa nand fo o koor oxaa sinjna mbind um kam mbuuƴ ne, too adnaniran a ƥil. Ye ndiig ne a garna, a qaandiind ake fo a und ake a ngoma mbind ne ta yen, too njom ne a magna lool.»