YEGIL MBAAX NE YEESU ne Lik a bindtuuna 6:47 - NQAARIIT NE ROOG

⁴⁷ O kiin oxe na nan-gilooxaa fa lay es too a reefan, xam lal a nuun oxe ta nanditna.

YEGIL MBAAX NE YEESU ne Lik a bindtuuna 6:47 Referans Kwoze

YEGIL MBAAX NE YEESU ne Lik a bindtuuna 11:28

Maaga, Yeesu a doonaan ee: «We na nan-gilooxaa fa lay fee Roog, soo a ngayan kañ ƭaayu!»

YEGIL MBAAX NE YEESU ne Saŋ a bindtuuna 14:15

«Nu mbexangaam, fat nu ngay ke hebluuma a nuun.

Saak 4:17

too o kiin a andangaa ke ta warna o fi, too fi’iran, yaaga a bakaada.

Mace 12:50

Yaam oxuu na fi’aa ke Faap es fee na asamaan a bugna, o ndeɓ es o ngoor oo, o ndeɓ es o ndew oo, ya es oo.»

YEGIL MBAAX NE YEESU ne Saŋ a bindtuuna 13:17

Nu andangaa keene, soo mbi’an koy, nu ƭaaya!

1 Piyeer 2:4

Matiidyo me ten, ten fee refna ɓil ñoow le wiin we a ndeɓna, ndaa Roog kaa jil’un, yaam kaa jeg’u o njiriiñ mbaambir um.

Hebre 5:9

Neene a ñaktu sik, boo a refat a cur a muc a pagkeer ale no we nananuuna fop.

Mbeeñil 22:14

We na ndapaa toki den, ndax da ci’el a ñaam o rim ole no ndaxar ne no ñoow ole, a ndoktaa na xa ton-maax axe na teeru fee, a ƭaaya.

YEGIL MBAAX NE YEESU ne Lik a bindtuuna 14:26

«Oxuu bugaxama o reefan, too moƴaninum a faap um mbaat a ya um mbaat o teem mbaat xa ƥeem mbaat maag um mbaat xa teɓ um mbaat o ñis um sax, waagkee o ref o taalbe es.

1Saŋ 3:7

Xa teɓandoong es, ba o leng a nax a nuun. Oxuu genna no fi’aa cofu, a jofa ne ta jofitna, ten fa xoox um.

1Saŋ 2:29

Yaam ne nu andna yee Roog a jofa, andyo itam ee oxuu na fi’aa ke jofna, o ƥeem a refu.

YEGIL MBAAX NE YEESU ne Saŋ a bindtuuna 10:27

Paal ke mi kaa nan-gilooxaa o ñuxur es. Andaam a den, too a naangaxam o ndeefaa.

2 Piyeer 1:10

Ten taxu fog es, ngoorgoorlooxa­hinyo, ndax nu saƭik no xoy ole Roog a xoyna a nuun fo na cil ale ta jilna a nuun, yaam nu mbi’angaan, nu yenkee muk.

YEGIL MBAAX NE YEESU ne Saŋ a bindtuuna 6:37

We Faap fee a ci’axama fop, xan a ngar me mi, too koy o mat, sutkiim muk oxaa garna me mi.

YEGIL MBAAX NE YEESU ne Saŋ a bindtuuna 6:35

Yeesu a laya a den ee: «Mi refu mbuuru ne na ñoowdandaa. Oxuu garna me mi xeexkaand boo muk, too gimna na mi hoɗomkaand boo faw.

YEGIL MBAAX NE YEESU ne Saŋ a bindtuuna 5:40

Ii, keene koy, too nu mbugee o ngar na mi, ndax nu njeg o ñoow!

YEGIL MBAAX NE YEESU ne Lik a bindtuuna 8:13

Ax ke samna no ƭeŋkeleer ne tektu wiin we andoona yee kaa nan fa lay fee, a njaɓin ndak fo ndak fo o ɗaay, ndaa koy njegee a paƴ na den sax sax. A pe a leng-leng soom a ngimaa, ndaa ƭeetlax ke a ngarangaa, kaa ndalfooxaa o mbes o ngim onqe a cinj.

YEGIL MBAAX NE YEESU ne Lik a bindtuuna 8:8

A seek a palakaand ale a sama no lanq paax ke. Ye ta maakna, mbep leng a rima pep teemeed.» Yaa Yeesu a layna kaaga, a laya a maak ee: «Oxuu jegna nof nanir, fat a nan-giloox!»

Mace 17:5

Yaa ta maadna o layaa, eel xoolu a muura a den. A jega o ñuxur olaa nannoorna kam eel laa, too a lay ee: «Oxene refu o Ƥees onqe fexuuma fex, too no ten felakinoortum. Nan-gilooxeenoo!»

Esayi 55:3

Ndungyo nof nuun too ngar me mi. Nan-gilooxyo, too xan xa laaw nuun a ñoow. Xam dalin fa nuun ngiɓoor naa na refkaa boo faw, ci a nuun yirmande es, ne regtit’anuuma a Dawid.

YEGIL MBAAX NE YEESU ne Saŋ a bindtuuna 8:52

Maaga, Yaawuur waa a mboola a layin ee: «Ahaa! Refee tige a feedatinooxa! Wo kañ, jini damong! E, Abraham a xon, duleer we a nqon, soo o fi nene layik ee: Oxuu gayna a ƭelem es xonkee muk!

YEGIL MBAAX NE YEESU ne Lik a bindtuuna 6:48

Oxeene kiin kaa nand fo o koor oxaa waqna boo ta xooɗ, ta sinj mbind um took ɓil. Ye ndiig ne a garna, a qaandiind ake fo a und ake a ngoma mbind ne, ndaa yenee, yaam no ɓil a sinje.