YEGIL MBAAX NE YEESU ne Lik a bindtuuna 6:45 - NQAARIIT NE ROOG

⁴⁵ O kiin o paax, no xeeñ um faax a xottaa paax, o kiin o paaxeer a xottaa paaxeer no xeeñ um faaxeer. Yaam ke o kiin a layaa fo o don um fop, no ndap xeeñ um a xottan.»

YEGIL MBAAX NE YEESU ne Lik a bindtuuna 6:45 Referans Kwoze

Xa peƭit axe 4:23

Gaynaaki xeeñ of kupu tig lakas kuu refna, yaam no ten a cur ale no ñoow ole a refu.

Efees 4:29

Ba nu lay ɗelem faaxeer leng! Layyo soom a ƭelem a cegu o njiriiñ akaa na ndimle’aa lakas we, da njof mbaambir no ngim onqe. A ƭelem a nandu neene kaa ƭaxaa soxla, too a mbi’anaa paax we na nan-gilooxaa a den.

YEGIL MBAAX NE YEESU ne Saŋ a bindtuuna 7:38

Oxuu gimna na mi, xan a cur foofi kaa na ñoownaa a mbalit kam um, ne a Pind a Tedu ke a laytuuna.»

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

A kim a tedu ke 59:12

Ba o war a den ndak fo ndak, yaam ndik xeet es a mbeectong. Raaynoorti a den katil of, maaf a den, wo o Yaal oxe refna pegoor in.

Kolos 4:6

Fat a ƭelem nuun a yoon fa yirmande, a njem, nu mbaag o and ke nu mbarna o ndoon o kiin oo kiin.

Xa peƭit axe 12:18

Oxe na ratataa juumaa, fa lay um kaa gaañaa nen laƥ, fa lay fee no jegu yiif we mat a ɓisiidaa o wod-fo-ɓaal.

Hebre 8:10

A doona teen ee: Keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Xam ref Roog den, da ndefat xeet es.

Efees 5:19

Naangyo saƭakinraa a ndeer nuun fo a kim a tedu, nqaananaa a Roog, mbi’tin itam a kim akaa inoorna no Yiif le Roog. Kaam ee ngimanyo o Yaal oxe, too simatin fo a qeeñ nuun fop.

Xa peƭit axe 15:23

Waag o doonanqol o mosu kaa ref a cur o ɗaay, fa lay fa mbaax faa layeena na waxtu um a fel bo.

A kim a tedu ke 140:5

O Yaal oxe, saytooxaam na xa ƥay no soxodu we, muclaam no wiin balu-balu we na mbexeyaa maa da mbanqtaxama.

A kim a tedu ke 59:7

Kaa nomtooxiidaa kirand, a ŋuuraa nen xa ƥox, a mbidaa teeru fee.

A pi ake 5:3

Maaga, Piyeer a laamta a Anañaas ee: «Ndi xar taxu Saytaane a mayƭand xeeñ of boo o maaɓaa Yiif Tedu le? Xar taxu o ɗasin a seek a leng ale na xaaliis fee o qol ole a watna?

Yudaa 1:15

Xan a dalin hate took wiin we fop, a xaw jofaƭaru we yaam njofaƭar ne da mbi’na fop, ye da mbañna a Roog fo a ƭelem a ñexetu ke baabakaad jofaƭaru we a layna no ten fop.»

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.