YEGIL MBAAX NE YEESU ne Lik a bindtuuna 6:44 - NQAARIIT NE ROOG

⁴⁴ Ndaxar nuu refna, na xa tim axaa a andditeel. O leng ɗatitkee xa tun took ngol mbaat xa tim ndaxar biiñ took nooƥ.

YEGIL MBAAX NE YEESU ne Lik a bindtuuna 6:44 Referans Kwoze

Saak 3:12

Fog es, ndun rimkee xa ariƈ, too ariƈ rimkee xa tun. Foofi fo fel hatkee na foofi fo xanju.

Mace 12:33

«Nu mbugangaa o njeg xa tim xa paax, nduufyo ndaxar mbaax! Nu njegangaa ndaxar mbaaxeer, xan nu njeg xa tim xa paaxeer. Ndaxar no rim ole a andditeel.

Yudaa 1:12

A tef den fa nuun yaa nu ndeerna a ñaam kaa ref na nuun njom, a topatooxaa a qoox den soom. Muu da ndefna kaa laltaa o ruud den, too njegee teen gaci. Kaa nand nen a karinj akaa nqeñ ne a yetnaa, too ndeɓkee foofi muk. Kaa nand itam nen taxar ke ndimkeerna muk, a refangaa sax ee waxtu den kaa gar. Taxar keene njegee a paƴ. Kaa nqon boo faq!

Mace 7:16

No ke da mbi’aa nu andditkaa a den. Ndax o kiin a waaga ɗatit xa tim ndaxar biiñ took ngol, mbaat xa tun took ndomb?

Mace 7:20

Yaaga koy, no ke da mbi’aa nu andditkaa a den.»