YEGIL MBAAX NE YEESU ne Lik a bindtuuna 6:43 - NQAARIIT NE ROOG

⁴³ «Ndaxar mbaax rimkee xa tim xa paaxeer, too ndaxar mbaaxeer rimkee xa tim xa paax.

YEGIL MBAAX NE YEESU ne Lik a bindtuuna 6:43 Referans Kwoze

Yeremi 2:21

Yaag oo toox de kaam jimb’ong nen ndaxar biiñ safu, naa o ax ole a faaxna. Nam suptooro ndaxar biiñ malu, naa hatna a ngenareem?

Mace 12:33

«Nu mbugangaa o njeg xa tim xa paax, nduufyo ndaxar mbaax! Nu njegangaa ndaxar mbaaxeer, xan nu njeg xa tim xa paaxeer. Ndaxar no rim ole a andditeel.

Mace 3:10

Ndiiki, ɓaax le a sipe na puƭ ake no taxar ke. Ndaxar nuu rimkeerna xa tim xa paax, xan a godel, a deɓel kam fiɗel laa.

Esayi 5:4

Ndax waag’aanum o fi’an kupu ke fi’uuma? Mexey yaakaarooga o jegit teen xa tim biiñ xa safu, soo ta dek a rimik kaa jaɓeerna no don.

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

YEGIL MBAAX NE YEESU ne Lik a bindtuuna 6:42

Mbaat nam waago o layit o kend of ee: ‹O pog es, xaƴi um watnanong njulmbax ne refna na ngid ale wo›, wo fee waageerna o ga a toodook ale refna kam a ngid of? Wo soo ref o yememaar! Pañtu o eet o watin a toodook ale refna na ngid of, soo sogkaa waag o ga a paax ne o watnitkaa njulmbax ne refna kam a ngid no kend of?»