YEGIL MBAAX NE YEESU ne Lik a bindtuuna 6:42 - NQAARIIT NE ROOG

⁴² Mbaat nam waago o layit o kend of ee: ‹O pog es, xaƴi um watnanong njulmbax ne refna na ngid ale wo›, wo fee waageerna o ga a toodook ale refna kam a ngid of? Wo soo ref o yememaar! Pañtu o eet o watin a toodook ale refna na ngid of, soo sogkaa waag o ga a paax ne o watnitkaa njulmbax ne refna kam a ngid no kend of?»

YEGIL MBAAX NE YEESU ne Lik a bindtuuna 6:42 Referans Kwoze

2 Piyeer 1:9

Kaa koy, oxuu jegeerna a den, kaa nand fo o puul. Kaa ref oxaa o ga um a raƥna, ta weecit ee Roog a xooland’aan no pakaad um yaaga.

2 Timote 2:21

Yaaga koy, boo o kiin a riƈatuna nqoolaƭar nuu refna, xan a nand fo ƥaxañ ke na suteel na bes fa maak, a kesel, a jeg o njiriiñ no yaal um, a waagel o fi’it kuu faaxna.

2 Korint 5:18

Keene fop na Roog a inooru, ten fee jofoorandna a in fa xoox um na pexey Kiristaa, soo a doxin a in i ndef dag no njofoor ne.

O leetar ole Pool a bindna GIMU WE NGENNA ROM 2:1

Wo o mat oo daɗkiro, fo xe refoona ref oo, wo fee na jambaa lakas we. Ne o jambtaa lakas we, neene o ŋaaynitaa a ƭat took xoox of, yaam kaa o jambaa lakas we, too fi’aa nen a den.

A pi ake 13:10

«Wo fee mayna fo naanaxir fo coxod ƥor, ref o ƥiy no ƈiƴ oxe, fañaa o cofel ole, ndax kaa waagiro waas a pi ake Roog o ñufaa?

A pi ake 8:21

Jegiro a las mbaat cer no keene, yaam xeeñ of kaa jofaƭar mbaambir Roog.

A pi ake 2:38

Piyeer a doona a den ee: «Mbesyo pakaad nuun a cinj, too oxuu refna fat a batiise’el no gon Yeesu Kiristaa, ndax pakaad um a mbaasanel, ta daaw Yiif Tedu le Roog a ci’taa.

YEGIL MBAAX NE YEESU ne Lik a bindtuuna 22:32

Kaa koy, xeɗanaaxoong, ndax o ngim of ñufkee. Boo nomtooxiidoona, fat o saƭkand xa teɓ of.»

YEGIL MBAAX NE YEESU ne Lik a bindtuuna 13:15

O Yaal oxe a doonaan a ƭelem akene yee: «Yememaar we nu ndefna ndef! Mee ndax na bes fee na ñootnax ale, oxuu refna na nuun kaa woktitaa naak um mbaat o faam um na sanqul um, a yernikin?

Mace 26:75

Maaga, Piyeer a wetandooxa ke Yeesu a lay’uuna yee: «A siik laykee, too layiro boo a caf a tadak ee andiraamo.» A inooxa maaga, a naag ciic a lool.

Xa peƭit axe 18:17

Oxe na eetaa lay yaa fo layoor kaa foogteel o yaal ndigil, boo yaa oxe ta layooraa a sutkan teen.

Mace 7:3

Xar taxu o ga’aa njaambul onqe refna na ngid no kend of, too waagiro ƴook a toodook ale refna kam a ngid of?

Mace 7:4

Mbaat nam waago layit o pog of ee: Xaƴi um watnanong njulmbax ne refna na ngid ale wo, wo fee a toodook a refna kam a ngid of!

YEGIL MBAAX NE YEESU ne Lik a bindtuuna 6:41

Xar taxu o ga’aa njaambul ne refna na ngid no kend of, too waagiro o ƴook a toodook ale refna kam a ngid of?

YEGIL MBAAX NE YEESU ne Lik a bindtuuna 6:43

«Ndaxar mbaax rimkee xa tim xa paaxeer, too ndaxar mbaaxeer rimkee xa tim xa paax.