YEGIL MBAAX NE YEESU ne Lik a bindtuuna 6:39 - NQAARIIT NE ROOG

³⁹ Yeesu a naxooxahina a den ee: «Ndax o puul a waaga o ɗox o puul o kend um? Ndax den ɗik fop njimbooxkee na kamb?

YEGIL MBAAX NE YEESU ne Lik a bindtuuna 6:39 Referans Kwoze

Mace 15:14

Nqaƴyo a den, fuul waa na ƭoxaa fuul gend den a ndefu. O puul a ɗoxangaa o puul o kend um koy, den ɗik fop xan a njimboox kam a kamb.»

2 Timote 3:13

Soxodu we fo fan we koy kaa mbugko moƴ o loofaa na bakaad, a mo, a mo’andaa lakas we.

Esayi 56:10

Yeeyetax we Isra’el fop fuul a ndefu. Naangee o anddaa dara, a ndef xa ƥox xa muumu xaa mbaageerna o mbox. Kaa mbondooxaa, a ndef no ƭaaɗaa, too mbaagee o ndeyƭoox o ƭaan.

Esayi 9:16

Ten taxu o Yaal oxe wuus’ee mbes ke den too yirim’ee xa baan axe den fo ñaaw we den, yaam den fop kaa njofaƭar, a soxod, too laykee jam muk. Keene fop koy taxee fuux le no Yaal oxe a ɓoos, too o ɓay um ole yoɗooxa boo fa ndiik.

Mace 23:33

Nuun soo ndef fo nqisiil fo wiin sabab! Nam nu mbaagu o ndaɗit a qaw ale na fiɗel laa ñufkeerna?

Yeremi 8:12

Ndax a njega o ndicax no cednooxu ke da mbi’na? Sedee teen dara too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Yeremi 6:15

Ndax a njega o ndicax no cednooxu ke da mbi’na? Sedee teen dara! Njegee kaa da sedna. Too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

O leetar ole Pool a bindna GIMU WE NGENNA ROM 2:19

Kaa o doon a xoox of o ƭooɗox no fuul, ref a qoolaand no we ndefna kam o niɓaan ole,

Mace 13:3

A naxooxa a den tig mayu too a lay ee: «O tuuduuf sutoox’u a duufik.